استراحه في الإستراحه

[الهمام]

الحقيقه إني وجدت نفسي فاضي بعد ها الظهريه لاأختبارات ولامكشات ولاأي ارتباط وماني من الناس اللي يحبون الجرايد وغيرها من المسليات والملهيات . فقلت أروح لمنتدانا واستريح في استراحته شوي حتى العصر وهي فتره ميته ..المهم دخلت المنتدى وانا عارف إني مارايح احصل أحد لأن الجميع مشغولين بعضهم عنده إمتحان والبعض الأخر رايح للبر ومنهم من هو نايم او معزوم.فعلا دخلت وما حصلت احد وتصدقون جاني وحشه لأن مافيه إلا انا وحسيت بخوف وبغيت اطلع لكن قريت المعوذات واية الكرسي والأذكار وتسندت على مدالية ابو عبدالعزيز الله يحفظه ويخليه لأني حصلتها اكبر مركى موجوده ويبدو إنه راح ونسى ياخذها معه .المهم من خلال جلستي قعدت اهوجس وافكر في هذا البيت الكبير اللي مافيه إلا انا.ثم راح بي تفكيري في شيء في المنتدى وهو كيف نعرف واحد يكتب بعدة اسماءفي المنتدى فتجده مرة يكتب بأسم رجل ومرة اخرى بأسم بنت وتجده يناقض نفسه بنفسه من خلال الأسمين ويرد على نفسه .حاولت ثم حاولت اعرف كيف الطريقه لكن عجزت وقلت لنفسي اسأل المشرفين اكيد عندهم خبره في موضوع الإكتشاف لأنهم ماصاروا مشرفين إلا لخبرتهم العاليه في المواقع من جميع الجوانب ..ثم راحت بي هواجيسي وحسيت ببرد قارس برد شمال .قمت اتلفت يمين وشمال توقعت ان الغزال الشمالي موجوده وهي اللي جاء البرد معها نسبة للشمال .المهم إني قلت ابتمشى في الموقع لقيت بيبان الأعضاء اغلبها مسكر ( مصكوك ) ولافيه احد .طقيت باب حمد قالو إنه مشغول على طول طقيت باب بدر قالو يذاكر وانا متأكد انه نايم يتعذر بالمذاكره عند اهله .قلت ليه اتعب نفسي خلني اروح لسوق الغنم اشتري كم راس استعداد لعيد الأضحى قبل ماتغلى الضحاياء .تدرون وش جاء في بالي ومن غير قصد والله شيء غريب وانا افكر قلت الله يستر على اختنا ( ضحية صدق ) في هذا الوقت بالذات لأن اسمها مرتبط بالضحيه فضحكت كثيرا مع كامل اعتذاري وتقديري للأخت ضحية صدق .وبعد هذا الضحك هونت عن الروحة للسوق وقلت خله بكره احسن لأن الوقت راح علي وانا في المنتدى .وتبون الصدق إني ارتحت وراح علي الوقت مادريت والسبب إن منتدانا يوسع الصدر الله يوسع صدوركم بالعافيه وهذه وصفه علاجيه للي عنده او يجيه ضيقة صدر ماعليه إلا يروح للموقع وبإذن الله ينشرح صدره وسلامتكم .

[حمد]

هلا بالهمام ..

اقول إلا على طاري الضحايا وش رايك نفتح مشروع دواجن لأن الدجاج البلدي راح يرخص في العيد الجاي .. فرصه مع نزول اسهم الدجاج نشتري ونبيع اذا خلص موسم العيد :062::062:

انفع مدير محفظة في احد البنوك صح :0123:

وذكرتني بالأسهم ... قال واحد لي من شهر تقريبا ... يالربع اللي بيشتري خل يشتري في أسهم المكيرش حق الأغنام ..

قلت طيب ليه .. قال عيد الضحية جاي والغنم راح تغلى ..؟؟

قلت طيب تتوقع الشئ هذا يأثر على سوق الأسهم السعوديه من واقع خبرتك ؟؟

:056::056::050:

[ضحية صدق]

حلوة الوصفة اخي الهمام وان شاء الله تنفع مع الجميع:0123:
بس الاحلى ان اسمي خلاك تضحك:062: يعني اسمي ينفع لعلاج ضيقة الصدر:D

ضحية صدق

[أحمد]

السلام عليكم ......
صراحة وصفة خلو مرة بالأفغاني .....
ولو أنها ما ذكر فيها إلا المشرفين الله يخلف علينا ....

[جي سي ار]

أخي الغالي الهمام هذي واللة الحقيقة الواحد يجلس الوقت كلة يوسع صدرة هذا جزاء هام من موضوعك ((((((([ .وتبون الصدق إني ارتحت وراح علي الوقت مادريت والسبب إن منتدانا يوسع الصدر الله يوسع صدوركم بالعافيه وهذه وصفه علاجيه للي عنده او يجيه ضيقة صدر ماعليه إلا يروح للموقع وبإذن الله ينشرح صدره وسلامتكم .] )))))))))))
أنت الظهر وأنا الفجر حسب توقيت الرياض الحبيبة من الس3.5ساعة
لكن حساب فاتورة الكوفي شوب التابع الفندق علي من ؟؟؟؟؟
شكرآآآآ واصل الجواب أذن سجل رقم حسابي عندك (( 14785236932165498741236987452147852369874563214785 23698745632145697452147985123654789658245987525874 5698215478563214569821) أكيد ماعندك قللللللللم بسيطة شف الذيب (بدر ) أمس حصل علي هدية من الغالي (حمد) عن طريقك أو لآ
:0123:
جي سي ار

[عبدالرحمن]

هههههههههههههههههههههههههههه :)

تصدق عرض علي مره مشورع فقاسه هههههههههههههههههههههههه

الهمام اخوي إذا تبي تشتري اسهم في المشروع راه مطروح مساهمه :):)

[الرايق]

حلوهههههه بسس ماذكرت اسمي مع الاعضاء

مغسي باكو

[الهمام]

حمد // الهروب عن الإجابه حلو الرجاء الرد على السؤال..

ضحيه صدق ؟ اكيد الوصفه حلوه لأنها مجربه والوصفه الثانيه مضاد حيوي ..تسلمين على المرور.

عبدالرحمن// يامراحب فيك واتمنى نشترك في المشروع سوى لكن اهم شيء يكون حمد بعيد

احمد // هلا بالغالي واحمد ربك إنك لست من المشرفين.

جي سي ار / نور المنتدى بك ..ابشر اللي تبي حاصل المهم نشوفك مستمر في المنتدى..

الرايق / الحمد لله على سلامتك إفتقدناك كثيرا وشكرا على المرور.

[حمد]

عبدالرحمن// يامراحب فيك واتمنى نشترك في المشروع سوى لكن اهم شيء يكون حمد بعيد

.

اجل ان شاء الله اشوفكم كل يوم مصبحين الجوازت ، كل يوم راح اسوي بلاغ عليكم وعلى العماله اللي عندكم بأنهم ليسوا على كفالتكم ...

[بدر]

اجل انا نايم