نماااذج توضيييييييح للاقتراح العلمي تفضلوا.....................

[الهدايــا]

السلام عليكم ورحمة الله وبركاته

أخوكم الصغير الهدايــا يسلم عليكم والحين قدامه دلة قهوة وتمر (أفاااا دروا أني شايب ابو 85)

بصراحه حبيت اني ابين بنماذج عن نوعية الاسئلة اللي ممكن تطرح مع ان مالها ماهية معينه بس لتقريب الصورة ولنكون اكثر جرأه في طرح الاسئله

مثلا (كأني واحد من اعضاء المنتدى )وبسال ذا الشايب الهدايا :

1- اخوي الهديا نسمع في التلفزيون احيانا في الاخبار اذا قال المذيع اسعار البرنت عربي خفيف عربي ثقيل عربي متوسط وغرب تكساس ودبي وغيرها وش معناتها وبعدين وين بترول السعوديه وين اسمه ؟


** هلا وغلا اخوي أولا مانيب شايب الله يسامحكم ثانيا العربي الخفيف والمتوسط والثقيل هي انواع من الزيوت اللي تنتجها السعودية (وهي خمسه)وطبعا الغاز الطبيعي غير له مقاييس ثانية مختلفه..
الفرق بين العربي الخفيف والمتوسط والثقيل(وهي المطروحه في السوق) هو الكثافه النوعيه
بشكل بسيط فيه معهد البترول الامريكي API وضع مقياس اسمه الكثافه النوعيه لكل زيت في العالم يتم البيع والتداول والجوده من خلاله
فمثلا العربي الخفيف اغلى من الثقيل لأن درجته 34 API
والمتوسط درجته 29
والثقيل 26-27
واغلى الانواع غرب تكساس درجته 38
وسمي بهالاسم نسبة لمكان تواجده في اميركا ولاية تكساس
والبرنت بعده ودرجته 36
ومكان تواجده بحر الشمال
على فكرة من اجود الزيوت في العالم اللي موجود في حوطة بني تميم درجته 49
ماشاء الله تبارك الله بس ان كميته بسيطه ...

وللمعرفة ان مكان بيع البترول هو روتردام في هولندا (شاطئ شمالي هولندا) وفيه السوق السوداء للبواخر الناقله للنفط......
واذا احتجت اخوي معادلة حساب API
فهي بسيطة بالمرة وابشر بها اذا تبي تحسب كثافة أي سائل
وللمعرفة ان تكلفة انتاج برميل الزيت السعودي = 1.95 دولار امريكي
اما بحر الشمال فتصل من 7.5الى 11 دولار امريكي

ودمتم.


2- اخوي الشاب الهدايــا ودي اسألك ذبحونا العالم باللزوجه وش هي هاللزوجه؟


** يابعدي انت هذا الكلام ايه شاب الواحد تنفتح نفسه يتكلم ..

اللزوجه بشكل بسييط هي ممانعة المائع للحركة . والمائع كناية عن الغاز أو السائل
العوامل الؤثره عليه الحراره والضغط فالحراره تقلل من اللزوجه والضغط يزيد منها
وتوضع الزيوت داخل المحركات مثلا في السيارة تفديا للاحتكاك ولاعاقة عملية تآكل المحركات بسرعه.
أي ان العسل مثلا عالي اللزوجه والغازات لزوجتها منخفضه جدا جدا
وحدة قياسه p
نسبة للعالم بوازي
ولزوجة الماء تقريبا 1 سنتي بواز أي 1 cp
أما العسل فيصل الى 6.6*10^13 cp
ودمتم.
3- اخوي عندي بحث عن مشكلة اول اكسيد الكربون وما ادري شسوي وش رايك ؟


** اولا لا تاكل بيض ولا سمك ههههههه امزح معك

اول اكسيد الكربون غاز سام جدا وخانق ورمزه الكيميائي CO Carbon monoxide

وتكمن خطورته في انه يتحد مع هيموجلوبين الدم (مركب معقد وظيفته نقل الغذاء والاكسجين لخلايا الجسم)
ويكون بعد اتحاده معه مركبا يسمى كاربوكسي هيموجلوبين يحد جدا من نقل الاكسجين(قوة تفاعله مع هيموجلوبين الدم اقوى ب 200 مره من تفاعل الاكسجين مع الهيموجلوبين) مما يؤدي للاختناق ولذا ينصح بعدم الجلوس في مكان مغلق به مصدر مشتعل مثل نار التدفئة

هذا المركب ينتج من التفاعل الغير كامل أي مثلا لو بغيت تشعل نار اول دخان يطلع منها هو اول اكسيد الكربون
لكن اذا تحول الحطب الى جمرفيتحول الاحتراق الى احتراق كامل وعندها يسمى ثاني اكسيد الكربون CO2
Carbon dioxide

4- هلا اخوي الهدايا ودي اسالك وشلون احسب احمال الكهرباء عندي في البيت يعني على بلاطة وانا اخوك ما اعرف الامبير من الفولت من الاوم وش هي هذي ببساطه ؟


بالنسبه لسؤالك وانا اخوك اذا عندك طبلون مكتوب على قاطعه الاساسي (السويتش) 100 A
فهذا معناته ان شدة التيار المتدفق في السلك هي 100 وحركته من النقطه ذات الجهد الاعلى الى النقطه ذات الجه الاسفل أي من المصدر الى اخر نقطه في المنزل وهذا الفرق يسمى فرق الجهد بالفولت v
الذي قد يكون 110 او 220 او 360 او 480 ويصنف 360 و 480 على انهما جهد عالي (الاسلاك اللي فوق ما نطولها) والاوم هي المقاومه النوعيه للسلك فالسلك الواحد ممكن يتحمل تيارا معينا بطول معين فقط أي اذا طال السلك قلت كفاءته لان مقاومته تزيد

واذا بغيت اخوي تحسب مثلا عندك لمبه مكتوب عليها 100 w
فانها تسحب من التيار بمقدار ما تحسبه هذه المعادلة :
(100/1.732*cos(0.9)*220) = 0.26A وهكذا
علما بان 100 هي قدرة اللمبه أي 100 وات
0.9 ثابت تحويل لشركات الكهرباء السعودية وناخذ لها cosin او مايسما جتا (جيب التمام).
و1.732 هو الجذر التربيعي لـ 3 وهو ثابت داخل المعادلة من الاشتقاق
و 220 هو الفولت المستخدم (فرق الجهد)
واذا اردت كيفية حساب التكاليف بالريال ابشر بسعدك بس الله يرحم والديك لا اشوف الفاتوره ..

5- هلا اخوي لو سمحت عندي بحث في موضوع التلوث تنصحني بمراجع معينه؟


** هلا والله وغلا بالنسبه للتلوث موضوع طويل عريض يعني هل هو تلوث حراري او مائي او اشعاعي وتربه او هوائي ..ياليت تحدد لي الموضوع بالضبط او انه عام عشان اعطيك افضل المراجع باذن الله وابشر والله بعزك...

هذه بعض النماذج اخواني واخواتي اتمنى ان تكون قد ازالت بعض الغموض واسف اذا كنت تكلمت باسلوب فيه من القراوة نوعا ما بس يمكن عشاني قروي وبسيط جدا فالعذر والسموحه

والمجال ارحب من كل هذا وانا مستعد للي تبغونه واللي يبغى اشياء متخصصه جدا لايتردد باعطيه ان شاء الله نفس اللي يبغى بس راعيت هنا البساطه في الطرح لتعم الفائدة

تحياااتي

اخوكم

الهدايــا

[حمد]

يعطيك العافيه اخوي الهدايا

سؤالي :

قارورة دواء يحتوى على بودرة ، مكتوب على العلبه من الخارج 70 مل . بينما الكمية المطلوب اضافتها من الماء على هذه البودره فقط 27 مل ؟؟

كيف احصل على 70 مل بينما انا فعليا اضفت 27 مل ...؟

مع العلم اني اذا قسمت الجرعات تكون بالضبط 70 مل .

تواجهني كثيرا مثل هذا السؤال في تعليمات للمرضى ، على سبيل المثال : مضاد حيوي للأطفال اسمه zinnat تواجني مشكله في كيف تقنع المريض بأنه اذا اضاف 27 مل سوف يحصل على 70 مل وسوف تكمل الجرعه كاااامله .!

لأن المريض يحسبها بسرعه .. اذا قلت له اضف 27 مل . والجرعه الموصوفه له هي 5 مل مرتين يوميا لمده اسبوع .
واذا اعطيته علبه وحده زعل وسوى مشكله ... وتعال اقنعه عاد .

[عبدالله]

ههههههههه


تبي تقنعه صكه بالقاروره على جبهته وقله انت اخبر مني ؟

خابر اللزوجه في الفيزياء مقياس لمقدار قوى الإحتكاك الدخلي بين طبقات المائع



وتسلمووووووون

[الهدايــا]

السلام عليكم

هلا وسهلا اخوي حمد ..

تقول اخوي حمد مكتوب عليها 70 مل

70 مل ايش ؟ 70 ملجم او ملل او التركيز اللي هو النسبة الوزنيه الحجميه يعني هل انه حجم العلبه كاملة او كمية البودره ....

طبعا بالنسبه للماء اعتقد ان الحجم 27 ملل وبالنسبه للدوسيج تقول 5ملل

هل بعد ما ينتهي الاسبوع تنتهي كامل العلبه ام لا ...

اسف على الاسئله لكن ما كان واضح بالنسبه لي ..خاصة نوعية الوحدات ..

زي منت عارف مل معناتها جزء من الف ..بس لايش ..؟

وسلامة عمرك ..

ووالله انك فرحتني جدا لتفاعلك وتواصلك يا بعدي ...


الهدايـــا

[الهدايــا]

اخوي عبدالله هلا وسهلا فيك ...

والظاهر ان حمد فلق الرجال وخلص ...


وبالنسبه لللزوجه.. فهي مثل ما قلت بعد انها مقياس لمقدار الاحتكاك الداخلي لطبقات المائع

وهذا هو نفس مقاومة المائع للحركه لان الاحتكاك زي منت عارف هو القوه المعاكسه ضد الازاحه..
ويسمون القوى اللي تكلمت عنها shere sress

بس انا جبتها بشكل بسيط وتحب تاخذ عنها معلومات زيادة ومتخصصه فقل لي وابشر بسعدك ...

وبشكل عام هي ثلاث انواع اهمها :

funnel viscosity

وسلامتك ..


الهدايـــا

[حمد]

السلام عليكم ..

بالنسبة للعلبه هي 70 ملم والجرعه هي 125 مجم لكل 5 مل .

نعم العلبه اذا اضفنا عليها 27 مل كملت الجرعه كاااااامله لمده اسبوع بالضبط .

البودره تزيد كميه السائل في العلبه بحيث يرتفع الى 70 مل !!

[عبدالرحمن]

انقلب راسي وما كملت قراية



اه ما اقول إلا :::::::::::::::::::::::::::::)

[الهدايــا]

هلا اخوي حمد ..

اعتقد انك قصدت من نسبة 70 ملم انها ملجم لان ملم كما تعرف وحدة طول وعليها فان الكميه التي ذكرتها وهي 70 ملجم هي نسبه وزنيه حجميه اي تركيز ...

ومعنى هذا ان تركيز الجرعه لكل 5 ملل يشربها المريض هي 70 ملجم

اما بالنسبه ان هناك حدا في القاروره يؤشر على حد 70 مل هذا هو الحجم الكامل للعلبه الى ان يصل مستوى السائل الى هذا الخط ..

اضافة 27 ملل من الماء هي وسيلة معايرة لا اكثر ولااقل لتاكيد ان الجرعه سوف تكون بتركيز 70 ملجم اذا اضفنا 27 ملل من الماء على البودره الموجوده ...

وسلامتك

يعني القضيه كلها وحدات فقط ..

يعني احيانا تجد احد يقول لك انا وزني 50 كيلو واحد يقول المسافه بين الرياض والخرج 80 كيلو واحد يقول لك طاقة الموتور 50 كيلو ...

مع ان الوزن كيلو جرام والمسافه كيلومتر والطاقه كيلو جول والكهرياء كيلو وات وهكذا ..

كيلو = 1000 كلمة كيلو لاتينية تعني الف فقط ..


تقبل تحياتي يا بعدي وانتظر منك الجديد ......ومن باقي الاخوان في المنتدى ..



الهدايـــا

[الهدايــا]

هلا اخوي عبدالرحمن ...


وش فيك .... شيبنا ...

افا وش هي ............؟

عسى مانتاب تدعي علينا ؟؟؟

بس ولو منك الدعوه مقبوله ....وحلوه بعد ..


الهدايـــا

[الغزال الشمالي]

لي استفسار بسيط أخوي الهدايا

عندك فكرة بكيفية العمل على الكود

سواء على الvisual basic أو الmatlab؟؟؟؟

وإذا كان جوابك بنعم

أنا عندي مشكلة وودي تساعدني فيها

وراح أقولك عنها بعد ما ترد علي

[الهدايــا]

هلا اختي الغزال الشمالي

والله اشتغلت قبل فتره طويله على برنامج الماث كاد في دوال الانتيقريشن والديفرنشيشن
وبعض التطبيقات الهندسيه الاخرى ..

خبرتي في الفيجوال بيسك ما تسعفني لارد على امور عميقه في البرمجه بالاكواد ورحم الله امرءا عرف قدر نفسه...

ابرمج وبكثره على لغة الفورتران واذا تحبي ممكن اصمم لك برنامج هندسي رياضي او علمي بالفورتران في دقائق وطبعا لغة الفورتران لغة الهندسة والعلوم كما تعرفين ..
وهي لغة جدا قويه ..فاذا احببتي بامكاني ارسال البرنامج لك(لغة الفورتران) وتصميم اي برنامج من خلال هذه اللغه وفي اي version ترغبين ..

وابمكانك طرح المشكله و سوف اساعدك في حلها باذن الله ..



الهدايــــا

[الغزال الشمالي]

أخوي الهدايا المشكلة مو كبيرة مثل ما تتصور
أنا أظن انه شي بسيط بس أنا ما أعرف شنو الغلط في الكود
عالعموم أنا راح أعطيك نبذة عن المشكلة المطلوب مني حلها
وأنزل لك الكودات اللي اشتغلت عليها وأقولك شنو المشكلة عندي

الموضوع كله عبارة عن الأعمدة اللي تنقل أسلاك الكهرباء على الشارع
طبعا تكون أنواع مكونة من موصلات وأبعاد مثل الطول وقطر الموصلات وغيره
وأنواع هذي الأعمدة اللي بموصلين وثلاثة وأربعة
فالمطلوب مني أوجد بعض المجاهيل
وهذي المجاهيل راح تظهر بأجوبتها في الكود إذا دخلت المعطيات عندك بشكل صحيح
الكودين الموجودين عندي يشتغلون بس لمن أبغي أحطهم في كود واحد ما يرضى يشتغل
يعني باختصار المطلوب منك مساعدتي فيه
تجرب تجمع الكودين مع بعض وتشوفه إذا اشتغل عندك أولا

وطبعا على الmatlab

وهذا الكود الأول



clear all
close all

eps_o=8.85e-12; %% F/m

fprintf('\n'),

l = input('The length of the conductor in kilometers is: l = ');
D= input('Distance between the two conductors in meters is: D= ');
diameter= input('Diameter of the conductor in millimeters is: Diameter= ');
n=input('number of bundel conductors is n =');
dab=input ('distance (a and b) in meters is :dab=');
dac=input('distance (a and c) in meters is :dac=');
dbc= input('distance (b and c) in meters is :dbc=');
D=D/100
d_eq=(dab*dac*dbc)^(1/3)


r= (diameter/2)/1000; %% the radius in meters

ratio=d_eq/Gmr;
if n==1
Gmr=r
elseif n==2
Gmr=(r*d)^(1/2)
elseif n==3
Gmr=(r*(d)^2)^(1/4)
else,end
C_ab=(1000*l)*pi*eps_o/log(ratio); %% in Farad
C_ab=C_ab *1e6; %% in microfarad

C_n= 2*C_ab;

fprintf('---------------- \n'),
fprintf(' The Capacitance between the two conductors (in microfarad) is: C_ab = ')
fprintf('%6f', C_ab)

fprintf('\n'),
fprintf(' The Capacitance between phase and neutral (in microfarad) is: C_n= ')
fprintf('%6f', C_n)

وهذا الكود الثاني

clear all
close all

mio_o=4*pi*1e-7; %% H/m

fprintf('\n'),

l = input('The length of the conductor in kilometers is: l= ');
D= input('Distance between the two conductors in meters is: D= ');
diameter= input('Diameter of the conductor in millimeters is: Diameter= ');
dab=input ('distance between two inductors in meters is :dab=');
dac=input('distance between two inductors in meters is :dac=');
dbc= input('distance between two inductors in meters is :dbc=');
n=input('number of bundel conductors is n =');

D_eq=(dab*dac*dbc)^1/3
r= (diameter/2)/1000; %% the radius in meters
r_prim=r*exp(-1/4);
if n==1
GMR=r_prim
elseif n==2
GMR=(r_prim*D)^1/2
elseif n==3
GMR=(r_prim*D^2)^1/3
elseif n==4
GMR=1.09*(r_prim*D^3)^1/4
else,end


ratio=D_eq/r_prim

L_loop=(1000*l)*4e-7*log(ratio) %% in Henery
L_loop=L_loop*1e3; %% in mH

fprintf('---------------- \n'),
fprintf(' The Loop Inductance of the Circuit (in mH) is: L_loop = ')
fprintf('%6f', L_loop)

fprintf('\n'),

بامكانك تنسخهم على الmatlab

والمطلوب مني أجمع هالكودين في كود واحد
والمعطيات اهي كالتالي
l=1000
Dictance=1.25
Diameter=36.20
Dab=2.2361
Dac=2.2361
Dbc=4
n=4

[الهدايــا]

اوكي وصل اختي الغزال الشمالي

وراح اجمع الكودين ان شاء الله


الهدايـــا

[الهدايــا]

السلام عليكم ورحمة الله وبركاته ...

مساكم الله بالخير ...

حبيت اطرح عليكم موضوع ان شاء الله يكون مفيد للجميع ..


وهو انه اي عضو من اعضاء المنتدى يبغى يكتب خطاب باللغه الانجليزيه .. ويبغى يتاكد من صحته من النواحي التاليه :
* القواعد grammer
* الاملاء spelling
*البناء والتنظيم العام للخطاب او الموضوع structure and organizing
*مطابقته للمواصافات العالميه للكتابه ..


بقي ان اقول حتى لو كنت تريد ان اكتبه كاملا فاكتب لي ماتريده باللغه العربيه وانا مستعد

اني اترجمه واكتبه لك وارسله مباشرة ..


وسلاااامة قلوبكم ...


الهدايـــا