ياطريق خريص شرك مستطيري !!

[عبدالله]

أطلب الله وألتجي بـه وأستخيـري
عن طريق مايجي لي فيـه خيـره
في طريق خريص منحاس مريري
صاير لي في طريق خريص سيره
لادخلته صرت في جـو خطيـري
وأبتلش راع الصغيـرة بالكبيـرة
والكفر في الخط تسمع له صريري
وأختلط صوت الكبيرة بالصغيـرة
أبتلشت بحالتي وأبلشـت غيـري
والمواتر كلها صـارت خطيـرة
داخلين بحـرب مافيهـا نذيـري
بس مافيهـا سـلاح ولاذخيـر ة
إن مشيت شوي جاني من يطيـري
وإن بغيت أسرع وقف قدمي مسيره
ياطريق خريص شرك مستطيري
جارنا الله مـن بلاويـك الكثيـرة



هاه اعجبتكم ؟

[حمد]

صح لسان الشاعر

وتسلم يا عبدالله

والله يكافينا شر السرعه والحوادث والسيارات كلها .

[بدر]

<<<<<<<<<< متعقد من خريص

صح لسانك ..

[عبدالرحمن]

صح لسانك عبدالله والله فعلا القصيدة روعة :):):)