قصيدة في البرتقالة

[الجوري]

مساء الخير

انا قلت راح انزل لكم قصيدة عن اغنية البرتقالة وانا على الوعد وهذي اهي

اتمنى تعجبكم


يا عذاب القلب يا اصعب سؤال
صارت عقول البشر في البرتقالة
يوم قامت ترقص يمين شمال
كل مطنوخ غدى يرمي عقاله
والله ان العيد ما حوله هلال
بس هذي جابت العيد وهلاله
والهبال اللي يسمونه هبال
جابته هاك الهنوف بكل حاله
هذي اللي للقمر قالت تعال
وهو بدلها صاير وهي صارت بداله
ارتوت نهر دجلة بالجمال
والفرات اروى عطشها من زلاله
خل عنك الحكي وش هي (( باسكال ))
وش (( اليسا )) (( وش هي الهام الفضالة ))
يا حبيبي جاك شي ما يقال
اقبل الحسن العراقي في جماله
لو نظرها بوش لو هو في الخيال
يمين الله ينهي احتلاله
غن يا سعدون جابر يالا لال
وغن يا كاظم الساهر يالا له
والعنب والخوخ عمان وخوال
بس محدن ينفعه عمه وخاله
وقبلها ما كنت احب البرتقال
وبعدها اوقف لين شفته في البقالة
ويوسف افندي ولا يسوى ريال
الفواكه كلها في البرتقالة

القصيدة هذي للشاعر : عبدالله حمير القحطاني

[أحمد]

قصيدة جميلة .......... لكن تسببت هذه الأغنية في مشاكل كبيرة وخاصة بين الأزواج ...
وذلك لضعف عقول الرجال ....... حتى وصلت الأمور ببعضهم إلى تطليق زوجته لأنها تمنعه من متابعة هذه الأغنية وأمثالها

[بدر]

عند وعدك .. والقصيده ولا اروع دامها لحمير ..

أحمد >>>> لاتصدق هالخرااااااااااافات فيه احد عاقل يسوي سوات الي تقول؟؟

[الجوري]

شكرا على المرور

والله صح يا احمد تو قريت خبر انه فيه واحد يمني طلق زوجته عشان البرتقالة

الناس انهبلت

شكرا على مروووووركم الكريم


الجوري

[حمد]

شكرا لك جوري على هذه القصيده

وان كانت هذه الأغنيه اعطيت من الدعاية اكبر من حجمها

[عبدالرحمن]

تسلم يمناك يالجوري ومشكوره على القصيده الرائعة :)

[النصراوي]

خلوه القصيده رائعه منك الجوري

[الجوري]

يسلمو على الردود