لعـل وبل الحـيا يسـقي ثـرى نـــوره -- ويفيض يـم الحـقاقه جاري ٍســيله

[عبدالله]

نبتهل إلى الله العلي القدير ان يمن علينا بالغيث لينبت العشب وتخضر الأودية والفياض ويعم الخير،
( روضة نورة ) إحدى الأماكن الجميلة التي كان لوالدي هذه الوقفة معها 0

،http://vb.eqla3.com/images/smilies/rose.gif’
،http://vb.eqla3.com/images/smilies/rose.gif’
،http://vb.eqla3.com/images/smilies/rose.gif’




لعــل وبل الحـــــيا يسـقي ثـرى نـــوره = ويفيض يـم الحـقاقه جاري ٍســــــيله
ينبت بها العشب وتسمع صوت عصفوره = يصــدح بصـوتٍ شــــجيّاتٍ مواويله
يا ليل نــوره هــوى الخفــّاق واحـبوره = هــو طـبّ روحي ألا منّه غشــى ليله
برفوق يضفي علـى الأنـوار ديجــوره = شــــبيه غرو ٍحســين ٍيَضفي الشـــيله
يا زين نور القمــر لا من ظهر نــــوره = ترمي عليه الســــحابه شال وتشـيله
ومـع شقة النور والأشجار ممطوره = لمْــع الندى لمْـــع برق ٍفي مخــاييله
فاح العطر من نفلها وازهت ازهوره = ماهــوب عطــر يصنّع في معاميلـه
عن وصفها يقصر الكتاّب بســـطوره = واللي رســم رسمها عجزت أناميله
النار شـــبت ونار الشــــوق معموره = هي سلوة اللي دفا الأحضان يطري له
ادلال رســـلان حول الجمر مسطوره = والبــن بـا الـهـــيل دايـــرةٍ فـناجـــيلـه
ناخذ بها ســـــــجّة والنفس مسـروره = ويوم السعد والفــرح ضـوّت قناديـله
مــع صـــحبةٍ طيّــبه بالخـير مــذكوره = صفوة اقروم ثقيل الحِـمل تركـي له
اهــروجـــهم بينهم كلٍ عـــرف دوره = والـكل منـــهم حســـــيناتٍ أقـــاويلــه
هذا هوى النفس وكلٍ يعمل بشـــوره = وما قدّر الله على الإنســــان ياتي له
ماهمني عاذل ما قد عقب ســــوره = يقول خــل الغثا جــــنب غـــرابيله
ما سج الاقدام وشاف البر وطيوره = وشاف السحاب الندي ينثر هماليله
ولا شاف برق الحيا لا شعشع بنوره = ولاشاف له وادي تجري مسـاييله
ولا شاف له فيضة بانت نواويرة = يلاعــب الريح زاهرها ويومي له
يا عاذلي لا تعذل النفس معذوره = احــب انا البر ودروب تودي له
ولعل وبل الحـيا يسقي ثرى نوره = ويفيض يم الحقاقه جاري ســـيله

،http://vb.eqla3.com/images/smilies/rose.gif’
،http://vb.eqla3.com/images/smilies/rose.gif’
،http://vb.eqla3.com/images/smilies/rose.gif’

[3zoz]

لعل وبل الحيـا يسقـي ثـرى نـوره ويفيض يـم الحقاقـه جـاري ٍسيلـه

امين يااااارب...

يا زين نور القمر لا مـن ظهـر نـوره ترمي عليـه السحابـه شـال وتشيلـه
ومع شقة النـور والأشجـار ممطـوره لمْع الندى لمْـع بـرق ٍفـي مخاييلـه


صح لسااااااااااااااااااانك يا خااالي ...


الله يعطيك العاافيه يا عبدالله على النقل ولا تحرمنا من الجديد...

[ابو سلطان]

اووووووووووووووووووووه وشذا الزييين كله وشذا

والله رااائعه جدا

[الأمير]

ماااااشاءالله

والله لن هناك وقفاات كثييييييره في القصيده

ووصف في الابيات راائع جداً..

صح الله لساان الأستاذ / عبدالعزيز

وشكرً لك ياعبدالله على الطرح

[الظليم]

صح لسان الوالد...

صدق في كل بيت قاله ...و

مع شقة النـور والأشجـار ممطـوره ......لمْع الندى لمْـع بـرق ٍفـي مخاييلـه
تصوير الليم الصراحه ...


ماهمني عاذل مـا قـد عقـب سـوره...............يقـول خـل الغثـا جنـب غرابيـلـه

الله الله ... وهنا يصف اهل الشمال في الرياض ...<< موب كلهم

يا عاذلـي لا تعـذل النفـس معـذوره ..........احـب انـا البـر ودروب تـودي لـه

الله عليه يا سلام .. الحقيقه ابيات جزله وصف رائع’’’ قدر الشاعر يصف مكنونه باروع العبارات واعذبها لله دره ولنا درره ..

صح لسانك ولسان الوالد يا عبد الله....

[ابوعبدالله]

يا زين نور القمر لا مـن ظهـر نـوره ,’, ترمي عليـه السحابـه شـال وتشيلـه
ومع شقة النـور والأشجـار ممطـوره ,’, لمْع الندى لمْـع بـرق ٍفـي مخاييلـه


الله .. الله .. تصوير غايه في الرووووووووووعه


==

وهذي من ذكريااااات نوره جعلها السيل



http://up.salowkah.com/uploads/images/salowkah-8cb7284890.jpg

مـع صحبـةٍ طيّبـه بالخيـر مذكـوره ,’, صفوة اقروم ثقيل الحِمـل تركـي لـه
اهروجهـم بينهـم كـلٍ عــرف دوره ,’, والكـل منهـم حسيـنـاتٍ أقاويـلـه


http://up.salowkah.com/uploads/images/salowkah-a50335b3e9.jpg


يا عاذلـي لا تعـذل النفـس معـذوره ,’, احـب انـا البـر ودروب تـودي لـه
ولعل وبل الحيـا يسقـي ثـرى نـوره ,’, ويفيـض يـم الحقاقـه جـاري سيلـه



الحقيقه قصيده راااااااااائعه جدا جدا
هيجت الذكريات الجميله ..

صح لساااااانك يا ابوعبدالله
وتسلم يمناك وما جابت يا عبدالله ..

[سحابة صيف]

قصيده رااااااااااااااااااائعه جداً ...



صح لسان من قاله ... وسلمت يمين من كتبه ...




عافاك الله ياعبدالله والله يخلي لك الوالد إن شاالله ...

[ابو حمد]

يعطيك العافية


والله يستجيب الدعاء وبرزقنا ان شاء الله


يعطيك العفاية على نقل القصيدة من ابوك الله يخله لك


وصح لسانه

[مواااادع]

الله الله عليك يا أبو عبدالله
يازين القصيد لا جاك نابع من أحاسيس ومشاعر ومواقف وذكريات
مو مثل الشعار اللي بذا الوقت يتخيل موقف ويكتب عنه
القصيد لا جاك من قلب يصل للقلب
وأبوعبدالله شاعر مايختلف فيه أثنين
شاعر كله مشاعر وأحاسيس.

فاح العطر من نفلها وأزهت ازهـوره ## ماهـوب عطـر يصنّـع فـي معاميلـه ( ونشهد )

وصح لسانك يا أبو عبدالله يوم قلت:

ما سج الاقدام وشـاف البـر وطيـوره ## وشاف السحاب النـدي ينثـر هماليلـه

ولا شاف برق الحيا لا شعشـع بنـوره ## ولاشـاف لـه وادي تجـري مساييلـه

ولا شاف لـه فيضـة بانـت نواويـرة ## يلاعـب الريـح زاهرهـا ويومـي لـه

صح لسانك وننتظر جديدك يا أبو عبدالله ^ _ ^

[حمد]

يعطيك العافيه يا عبدالله




وصح لسان الوالد


ابيات جميله و روضة نوره لها ذكريات غاااليه

وكم مره طلعنا فيها




شكرا لك يا بو عبدالله على هالصور الراااائعه صراحه


:)



بارك الله في الجميع


وتمت اضافتها للديوان