باكر تموت من القهر لانسيتك !!

[حمد]

قصيدة


راسك علامك رافعه يـوم أحاكيـك=الظاهر إني فوق حجمـك عطيتـك

لحظه نبي نرجـع دقيقـه لماضيـك=بــذكـرك فـي أي حـالـــه لقيـــتـك

كان الضيـاع ودمعتـــيـن تخاويـك=منهار وفي عـز انهيـارك خذيتـــك

وأرخصت عمري لجل أحبك وأداريك=هـــدمت قصـر الـذل فيـك وبنيتـك

كان الغـــلا شمعـه تنـور لياليـك=لوأظلمت دنيـاك جيـت وحتويتـك

ياللأسف كنت أمدحـك وأفتخرفيـك=رفعت من شانـك وعليـت صيتـك

كنت أنت عندي غير ماأقدرأخليـك=أموت وأحيا ان قلت سـم وفديتـك

واليوم أشوفك خنت حتـى مباديـك=صغرت في عيني وأنا اللي هويتـك

الضيـف لـو انـه عـدو مـــعاديـك=غصب عليك تقـدره وسـط بيتـك

ياصاحبي بتمـوت مانـي براجيـك=واشره علي ان كان حتـى طريتـك

لاصار ذل النفس في قلـب يغليـك=يلعنـك ياقلـب عشقـك وشريتـك

اضحك حبيبـي دام وقتـك مسليـك=باكر تموت مـن القهـر لانســـيتـك

[الغزال الشمالي]

بل بل قوية كلمات القصيدة حمد

الله يبعدنا عن الخيانات

[بدر]

لانسسسسسسسسسسسسسسسسسسسسسسيتك لاتقول بس انه موب انت اكيد انها كلماتك

ولله ولاأروع ياحلو الابيات لاجت قوية >> ماقول غير صح لسانك :)

[حمد]

الله يحييكم

[عبدالرحمن]

تسلم حمد والله القصيدة روعه :):):)


<<==== يحب الشعر :):)



بس منهو صاحب القصيدة ؟؟؟؟؟

[بدر]

هو يابن الحلال بس مايبي يعلم اولا ؟؟

[حمد]

لست شاعر ولا حتى شويعر :)

[بدر]

لاصار ذل النفس في قلـب يغليـك
يلعنـك ياقلـب عشقـك وشريتـك

اضحك حبيبـي دام وقتـك مسليـك
باكر تمـوت مـن القهـر لانسيتـك

ولله ياهي روعه هالقصيده كلامها قوي وشاعرها عاش واقعها لان مايكتب الكلام القوي الا الي جرب .. واضاهر اني بثبت القصيده ياخي حلوه وش اسوي