كلمات >> اماراتيه +سعوديه

[الغزال الشمالي]

ماي === مويه

جاهي === شاهي

ريوق === فطور

تاير === كفر

سكان موتر === دركسون سياره

قزوز === شكمان

جسر === كبري

بيض طماط === شكشوكه

ييدار === جدار

لزق === شطرطون

سكروب === سكروب

تنكر === وايت

اشحالك === كيفك

صدق والله === بالله عليك

موبايل === جوال

ربيعتي === صديقتي

ياخي روح === قم بس قم

والله انك مضيع === صدقني انك منسم

تصدق اني حبها وايد === تصدق اني احبها مره



:D :D

[حمد]

شكرا لك الغزال الشمالي .....

كلمات رائعه ولا اخفي اعجابي بلهجة اهل الإمارات

اشحالك بويه !!

بالمناسبة دبي اعتقد ما فيها كورنيش ؟؟ صح ؟؟

عند زيارتي لها كنت اطلع كل يوم للشارقه لأن كورنيشها رائع .......,,,
استفسار علشان اذا جيت مره ثانيه ما يفوتني .. :)

[الغزال الشمالي]

هلا فيك حمد..

وأنا من زود ما أحب اللهجة السعودية،تصدق تابعت طاش ما طاش من أول جزء لآخره..

و بالنسبة لدبي بالعكس دبي فيها كورنيش الجميرا..

لكن كورنيش الشارجة أحلى لأنه مزروع و على بحيرة، و عندنا كل إمارة فيها كورنيش ..

وما تخفى عليك الحدايق بعد..

تشرف بأي وقت..وإذا بغيت نكون لك دليل سياحي من عيونا

[بدر]

هههههههههههههههههههههههههااي حلوه

بيض طماط === .. من جد اسمه يفتح النفس

سكان موتر === دركسون سياره .. ياشين التميلح لهجتكم فيها فارسي شوي

ياخي روح === قم بس قم خخخخخخخخخ الله يخلي طااااش

والله انك مضيع === صدقني انك منسم ههههههه كلمتنا احلى وتنكت اكثر

[الغزال الشمالي]

ياشين التميلح لهجتكم فيها فارسي شوي
__________________
بدر:mad:

لا تنسى إنا كلنا عيال أرض وحدة وما دخل الفرس فينا:(

[مــحــمد]

هلا غزال .. بصراحة أنا استمتع باللهجة الأمارتية وهذى بعض الكلامات مهداه إليكم :

هود : تقال كلمة هود للاستذان خصوصا عند الرجال عند دخول أي بيت ولوكانت تربطه بأصحابه صلة قرابه. ويكون الرد إيذانا بالدخول بكلمة ( هده) أو (هدا( خصوصا إذا كان معروفا لدى أهل البيت بحك صلة القربي أو من لهجته وصوته.أما إذا كان غير معروف فيقال له : ( من هناك ) أو ( من إنت ) فيكون الجواب( أنا فلان ) فيقال له ( هده) اتفضل إقرب .



شحالكم كل بحاله : تقال هذه العبارة لمجموعة من الناس تتواجد في مكان ما ولكي لا يسلم الداخل على كل واحد منهم ويسأله عن حاله فيقول :
(شحالكم كل بحاله ) فيكون الجواب(خير الله يسلمك ) أو ( طيبين الله يسلمك).



عونك : تستعمل هذه الكلمة جوابا لشخص عزيز ولأي نوع من المناداه وخصوصا م الوالدين إلى أولادهم ويكون الجواب (عونك عدوانك يفدونك)



ماجور : تقال كلمة ( ماجور ) لشخص مريض عند زيارته أي أن الله يجيرك من هذا المرض ويكون الجواب ماجور الله ياجرك (بمعنى الله يعطيك الأجر ).



الرفجه : يقال لشخص من قبل كبير القوم أو لأشخاص أي الرؤساء أو الشيوخ أو الأمراء وهي نوع من التأكيد والارتباط والعزم على التقيد لمن قيلت له وذلك بأن عليه الالتزام واحترام كلمه الرفجه باعتبارها تنفيذية وصادرة من جهه عليا لامر ما فاذا قيلت في مناسبة يجب أن تنفذ دون تقاعس
ويعاقب المخالف لها وخصوصا من صاحب السلطة ويكون الجواب عليها بكلمةتمت الرفجة.


السموحة : أي العفو والمسامحه كأن المسامحه من شخص لآخر لنفسك إن أخطات فتقول : ( أرجو السموحه ) ويكون الجواب ( الله يسامحك أو مسموح ).



في وداعة الله : أي في أمان الله أو مع السلامة ويكون هذا التعبير جوابا للمودع أي أودع القائل عند الله تعالى خيرا .


غصه: نوع من الضيق

الشيمه: الرجاء و التضرع و التلطف باي شخص

حجره: غرفه.

تحياتى لأهل الامارات كلهم وعلى رأسهم الشيخ زاااااااااايد .

[الغزال الشمالي]

تسلم الدوسري الله يخليك...

وبزيدك من عندي بعد..

-عونك : لبيه : عيون .....

-ماجور : خطاك الشر : أجر وعافية : تستاهل السلامة

-الرفجه : وهذي الكلمة مو شرط نستخدمها مثل ما قلت ،تقدر مثلا تقولها لواحد انت قاعد تترجاه (مثلا ورفجة

تقولي)

-تحياتى لأهل الامارات كلهم وعلى رأسهم الشيخ زاااااااااايد

وتحياتنا لكل من يحب بو خليفة وأهل الامارات

[ضحية صدق]

تسلمي خيتو غزال على الموضوع واحب اقول لج شي مو كل مناطق المملكة نطقها مثل بعض انا منطقتي فيها كلمات كثير مثل نطقكم
احنا نقول ماي مثلكم ونقول شحالكم- ريوق- جسر:D
يعني نفهم على بعض
بالنسبة الى كلامك عن الكلمات الفارسية فعلاً ترى كثير كلمات عندنا اصلها فارسي
:D ليش شفيهم الفرس يا بدر؟
يعطيج العافيه خيو تحياتي لج:
ضحية صدق;)

[الودعاني]

ههههههه حلوه

[الغزال الشمالي]

ضحية صدق

مشكورة حبيبتي على مرورج

الودعاني

الله يحلي أيامك

[بدر]

وش معنى الساع .. !؟

بعدين من الي قالك ان الجزيرة العربيه مادخلها فرس .. اشوى ان الكويت 3 ارباعهم فرس قطر فيها فرس البحرين نفس الشي مادري عن السعوديه !!. انتم ولله مادري عنكم بس شكلكم متأثرين !

[الغزال الشمالي]

بدرررررررررررررررر

الساع معناها الساعة هذي

يعني يا مرحبا بك الساعة هذي ونحن اختصرناها و قلنا الساع

وبعدين أعرف ان الجزيرة العربية دخلها فرس

و الكويت وقطر والسعودية أدري انه فيهم فرس و حتى نحن عندنا

نحن مو متأثرين ولا شي بس تعرف صار عندنا خلط يعني المواطن ياخذ فارسية و اختلطت رمستنا برمستهم

لكنهم معروفين برمستهم

[بدر]

اها مابغت تطلع الاجابه شكرا ..

[الغزال الشمالي]

يعني ارتحت الحين إلا اطلع علاقتنا بالفرس؟؟؟

[عبدالله]

تسلم على الموضوع ...