عبدالله
26-08-2004, 02:18 PM
http://sultan118.jeeran.com/ghoh%2011.jpg
مـــدخــل ...
القهوة العربية تعتبر رمز من رموز الضيافة ولا يكاد يخلو بيت في هذا الوقت من القهوة فهي أول ما يقدم
الى الضيف فحين دخوله يسارعون اهل المضيف في تقديم القهوة فلقد أصحبت رمز الرجولة بالنسبة للمضيف
تدل على الكرم والشهامة والمرجلة وواجب الضيف وعز المعازيب ...
فقد أهتم الموروث الشعبي في القهوة وسادت قصائد وقصص شعبية تتداول في ليالي السمر عند اهل البادية
تطرق أليها الكثير من الشعراء القدامى وعلى رأسهم الشاعر الكبير دغيم الظلماوي والشاعر عبدالله ابن عون
والشاعر محمد بن عبدالله القاضي وغيرهم من الشعراء
فالقهوة لها مكانة كبيرة في الموروث الشعبي حتى ان المجالس يطلق عليها اسم قهوة نظرا لان القهوة
اول ما يقدم حين الدخول للمجلس ... تعددت أسماء الفناجيل التي تعارف أهل البادية عليها ومنها :
فنجان الهيف وهو أن يشرب المعزب أول فنجان من الدله امام الضيف لطمئنة الضيف بأن القهوه سليمه
فنجان الضيف وهو بمثابة العيش والملح
فنجان الكيف وهو خاص بالكيف والتذوق
فنجان السيف وهذا الفنجان يلزم الضيف بالدفاع عن هذه العشيره كما انه يعتبر عهد بالدفاع
المشترك بين المعزب والضيف واجمالا فنجان السيف يعني القوه والمنعه والشرف
هناك العديد القصائد في القهوة منها قصيدة الشاعر
عبدالله بن عون في قوله :
يا ريف قلبي للمسايير قم شـب = وحط المنارة في طويل الظلالـي
عقب تشق الها لجزل الحطب جب = وهات النجر و أحضر جداد الدلالي
ثلاثٍٍٍٍ الهن راعي الكيف يطـرب = وسوطهن ضمّر و الاخر جلالـي
و الرابعة ملقامةٍ لونها أصهـب = حيث انها للنـار دايـم تصالـي
و لا جبت كل شروطها اللي تطلب = اجلس عليهن يا زعيـم العيالـي
و احمس لنا بريةٍ حبهـا أشهـب = وبهارها هندي و ماهـا زلالـي
يوجد انواع متعددة من الدلال منها البغدادية او الرسلان او السورية
ويفضل البعض دلة الرسلان لان هذه الدله لاتغير من اللون والطعم والشكل
ومن القصائد ايضا .. قصيدة القاضي المشهوره في القهوة فلقد استطاع
بدع ابيات لا مثيل لها حول القهوة ونورد لكم منها هذه الابيات :
يا مل قلب كل مـا التـم الاشفـاق = من عام الاول به دواكيـك وخفـوق
كنه مع الـدلال يجلـب بالاسـواق = وعامين عند معزل الوسط ماسـوق
ويكشف له اسرار كتمها بصنـدوق = يجاهد جنود في سواهيـج الاطـراق
ياعن لك تذكار الاحبـاب واشتـاق = بالك وطاف بخاطرك طاري الشـوق
دنيت لي من غالـي البـن مـا لاق = بالكيف ناقيها عن العـذف منسـوق
احمس ثلاث يانديمـي علـى سـاق = ريحه على جمر الغضا يفضح السوق
ايـاك والنيـة بالـك والاحــراق = وإصحا تصير بحمسة البن مطفـوق
ليا صفر لونه ثـم ابشـت بالعـراق = صفر كما الياقوت يطرب لها المـوق
وعطت بريح فاخـر فاضـح فـاق = ريحه كما العنبر بالانفاس منشـوق
دقه بنجـر يسمعـه كـل مشتـاق = داع الهوى يطرب ليـا دق يخفـوق
لقـم بدلـه مولـع كنهـا السـاق = منصوبـة مربوبـة تقـل غرنـوق
خله تفوح وراعي الكيـف يشتـاق = ليا طفح له جوهر صـح لـه ذوق
قـصـة وأبـيـات ...
(1)
منول كانت القهوة لاتتواجد الا عند ناسً قليلين والسبب ان الأمور مهيب ميسرة والفقر يغلب
على الكثير ... في هاك الرجال اللي يتصف بخصال حميدة وله مكانه عاليه عند ربعه يقاله الشيخ
مهل بن عتيق بن غفيلان الرياحي البقمي وكان له مجلسً يجتمعون فيه أفراد قبيلته وضيوفهم
واذا منه شق النور قام الشيخ مهل وشب ناره عقب صلاة الفجر ويقرب نجره ودلاله وكان نجره
يسمى (منادي) لرنينه العالي اللي يسمعه حتى الجيران ... وكل ماسمعوا صوته اقبلوا لشرب
القهوة في مجلس الشيخ مهل .. وراحت الايام ومع تقلبات دواليب الدهر أجبرت الظروف المادية
الشيخ مهل على بيع نجره الشهير بين القبايل والملقب بـ (منادي) وكذلك الدلال وإشترى له نجراً
خشبياً ماله صوت ابد وإشترى برّداً أسود ثم رجع لربعه ويجي هاك اليوم ويقوم يصلي الفجر
ويوم صلى وخلص ويشب ضويه يبي يصلح له فنجال كعادته وقام يتلفت يمين ويسار ماأحدن
جاءه من ربعه وقال لولده حراز راح ناد الربع خلهم يجون يتقهوون ... والوكااد بعد ما أجتمعوا
في المجلس وشربوا القهوة سألهم الشيخ مهل عن سبب عدم مجيئهم كما جرت عليه عادتهم كل يوم
فقالوا: والله يابو حراز نحن لم نسمع صوت منادي مثل كل يوم فقلنا لابد أن الشيخ مشغول
فقال لهم لاوالله مايشغلني عن قهوتكم شيء ولكنني أجبرتني الظروف على بيع نجري منادي
والدلال وإشتريت هذا النجر الخشبي وهذا البرّد الأسود اللي تشوفونه قدامكم
لعل القريحه هاضت ببأبيات سمعها كل من حضر المجلس :
يالله ياللـي تجعـل النـور بـادي = يامطلـع فالبيـنـه والخفـيـات
تفرج همـومٍ تدلـج فـي فـوادي = والعيـن عيـت لاتخلينـي أبـات
أنا أحمد اللي عاضني في منـادي = بنجرٍ صموتٍ مايهيّض بالأصـوات
وشريـت بـرّادٍ كسـاه السـوادي = من عقب هذيـك الـدلال العذيـات
ياحراز ماحنـا الرخـوم الزهـادي = حنا هل الطالات في كـل الأوقـات
يازيـن فـوح دلالنـا بالقـنـادي = وليا هبطت أشري لها سبع حاجات
ويازين سوقـه للوجيـه البـوادي = بنٍ مصفى مايجـي فيـه خـلات
زال الولد في شبتـه لـه هـدادي = ورزقه على الله مايفيد التشمـات
ليا أدرج له الله رزق ماهوب غادي = وكثر الحسايف ماتجيبـه ليافـات
لابـد ماتبنـى عليـه اللّـحـادي = الي ا وفت جته المقاديـر عجـلات
يردم علـى قبـره نثيـلٍ جـدادي = أمـا فقـد ولا ذلوفـه ليـامـات
(2)
من القصص الشعبية التي تدور حول موضوع القهوة العربية هذه القصة التي جرت على
رجلاً يقاله ابن حمام من الجندة وهالرجال الله يسلمكم راعي قهوة وراعي كيف وقهوة
دايمه وعامره .. جاء يوم من الايام وسيّر عليه واحدن يقاله محيميد رفيدزن لابن حمام
ولاحصله في البيت قال اكيد اني ابلقاه عند جيرانه يتقهوى .. الوكاد ان محيميد راح وطق
على جار ابن حمام يقاله جبر .. فتح الباب جبر يا هلا يا مرحبا يالله حيه اقلط اقلط ما قدامك احد
دخل محيمد بالمجالس وقال وين ابن حمام ما شفناه اليوم قال جبر الحين يجيك
والله ويوم اخذوا لهم شوي ويطق الباب ابن حمام قام جبر فتح الباب وقلطه ..
لعلهم من اول بالمجالس لابد يتطرقون الى الشعر وكل واحدن يجدع له كم بيت وكم سالفه
المهم قال محيميد قصيدة .. ومناسبه القصيدة ان مرتن من المرات جالس هو وابن حمام
في مجلس ابن حمام ولا سير عليهم احد .. ولا جاءهم احد يشاركهم في القهوة والسوالف
وقال محيميد ابياتاً بسبب هذا الموقف :
يا ابن حمام مزعفرك ما نذوقـه = ولا اريد كيفك يا مروي شبا الزان
لابه خمال يـا الجنيـدي يعوقـه = تسعين نعم كان زين اللغا شـان
لاصار ما الديون مالي اشنوقـه = يعل يجلس به ثلاثيـن شيطـان
نفسي عشوقه كل قـرم يشوقـه = شامت لجبر والمـروب جليـدان
.
.
.
(3)
ومن ضمن القصص التي تتعلق بالقهوة وملازتها للاشعار والسوالف .. ان فيه هاك الواحد
يقاله مبارك ابو وحميد هالرجال الله يسلمكم راعي نخيل وراعي أبل واذا منه جاء وقت القيض
راح لنخله هو وربعه واقاربه وجماعته ووقت الربيع يظهر للبر بحلاله ولعلهم يجتمعون بالمجالس
على القهوة والسوالف ويتبادلون الاشعاروالقصص واي شي طيب تمسكون به والردي يتجنبونه
ووالله يجي هاك اليوم ويشّب ناره ابو وحميد ويضبط القهوة ويجلس يتحرى ربعه ..
والله طول الرجال بالجلوس ما حوله احد ولا سير عليه احد ... كل الناس مشغولين بحلالهم
ومشاغلهم في هالدنيا .. الوكاااااد قال مبارك ابو وحميد هالابيات يشير فيها الى ان ميزة
القهوة اجتماع الرجال عليها وعلشان يقص كلن منهم اخباره واليكم ابيات من القصيده :
يا دلتّي ياللي من البـن والهيـل = دايم على جمره صبـور لضيـه
وافرح إالى جوني فحول الرجاجيل = والدلـة الصفـرا قبلهـا مليـة
والزعفران اخضاب هيل بلا كيـل = لاجيت ابهر مـا بنفسـي رديـه
يا دلتّي وين الرجال والحلاحيـل = اللـي سوالفهـم قبلهـا عذيـة
ويا ما جلسنا بين حمر الغراميل = وقت الربيع اللي فياضـه رويـه
احمس وادق النجر بالصبح والليل = مع النشاما والسوالـف طريـة
http://sultan118.jeeran.com/ghoh%2022.jpg
ماذا قالوا عن القهوة ...
(1)
دغيم الظلماوي :
يا كليب شب النار يا كليب شبـة = عليك شبة والحطب لك يجابـي
وعلي أنا يا كليب هيلـة وحبـة = وعليك تقليـط الـدلال العذابـي
وادغث لها يا كليب من جزل حبة = وشبة ليامن غفـى كـل هابـي
بـاغ ليـا شبيتهـا ثـم قـبـة = تجذب لنا ربـع سـرات غيابـي
بنسرية يا كليب صلـف مهبـة = لانسنست لياكن به سـم دابـي
سـراة بليـل وناطحيـن مهبـة = متنكفيـن وسوقهـم بالعقابـي
خطو الولد لوله زبـون وجبـة = ياتي عليهم من حساب الزهابـي
لاباطن الهلبـاج خطـو الجلبـة = يا حلو خبط عصيهـم بالركابـي
اطمر لهم وابدي سلام ومحبـة = لاجو على هجن يديهن خرابـي
(2)
الشاعر محمد بن احمد بن محمد السديري :
يا بجاد شب النار وادن الدلالـي = وأحمس لنا يا بجاد ما يقعد الراس
ودقه بنجر يـا ظريـف العيالـي = يجذب لنا ربع على اكوار جـلاس
وزله الى منه رقـد كـل سالـي = وخله يفوح وقنن الهيـل بقيـاس
وصبه ومده يا كريـم السبالـي = يبعد همومي يوم اشمه بالانفاس
فنجال يغدي مـا تصـور ببالـي = روابع تضرب به أخماس وأسداس
مـــدخــل ...
القهوة العربية تعتبر رمز من رموز الضيافة ولا يكاد يخلو بيت في هذا الوقت من القهوة فهي أول ما يقدم
الى الضيف فحين دخوله يسارعون اهل المضيف في تقديم القهوة فلقد أصحبت رمز الرجولة بالنسبة للمضيف
تدل على الكرم والشهامة والمرجلة وواجب الضيف وعز المعازيب ...
فقد أهتم الموروث الشعبي في القهوة وسادت قصائد وقصص شعبية تتداول في ليالي السمر عند اهل البادية
تطرق أليها الكثير من الشعراء القدامى وعلى رأسهم الشاعر الكبير دغيم الظلماوي والشاعر عبدالله ابن عون
والشاعر محمد بن عبدالله القاضي وغيرهم من الشعراء
فالقهوة لها مكانة كبيرة في الموروث الشعبي حتى ان المجالس يطلق عليها اسم قهوة نظرا لان القهوة
اول ما يقدم حين الدخول للمجلس ... تعددت أسماء الفناجيل التي تعارف أهل البادية عليها ومنها :
فنجان الهيف وهو أن يشرب المعزب أول فنجان من الدله امام الضيف لطمئنة الضيف بأن القهوه سليمه
فنجان الضيف وهو بمثابة العيش والملح
فنجان الكيف وهو خاص بالكيف والتذوق
فنجان السيف وهذا الفنجان يلزم الضيف بالدفاع عن هذه العشيره كما انه يعتبر عهد بالدفاع
المشترك بين المعزب والضيف واجمالا فنجان السيف يعني القوه والمنعه والشرف
هناك العديد القصائد في القهوة منها قصيدة الشاعر
عبدالله بن عون في قوله :
يا ريف قلبي للمسايير قم شـب = وحط المنارة في طويل الظلالـي
عقب تشق الها لجزل الحطب جب = وهات النجر و أحضر جداد الدلالي
ثلاثٍٍٍٍ الهن راعي الكيف يطـرب = وسوطهن ضمّر و الاخر جلالـي
و الرابعة ملقامةٍ لونها أصهـب = حيث انها للنـار دايـم تصالـي
و لا جبت كل شروطها اللي تطلب = اجلس عليهن يا زعيـم العيالـي
و احمس لنا بريةٍ حبهـا أشهـب = وبهارها هندي و ماهـا زلالـي
يوجد انواع متعددة من الدلال منها البغدادية او الرسلان او السورية
ويفضل البعض دلة الرسلان لان هذه الدله لاتغير من اللون والطعم والشكل
ومن القصائد ايضا .. قصيدة القاضي المشهوره في القهوة فلقد استطاع
بدع ابيات لا مثيل لها حول القهوة ونورد لكم منها هذه الابيات :
يا مل قلب كل مـا التـم الاشفـاق = من عام الاول به دواكيـك وخفـوق
كنه مع الـدلال يجلـب بالاسـواق = وعامين عند معزل الوسط ماسـوق
ويكشف له اسرار كتمها بصنـدوق = يجاهد جنود في سواهيـج الاطـراق
ياعن لك تذكار الاحبـاب واشتـاق = بالك وطاف بخاطرك طاري الشـوق
دنيت لي من غالـي البـن مـا لاق = بالكيف ناقيها عن العـذف منسـوق
احمس ثلاث يانديمـي علـى سـاق = ريحه على جمر الغضا يفضح السوق
ايـاك والنيـة بالـك والاحــراق = وإصحا تصير بحمسة البن مطفـوق
ليا صفر لونه ثـم ابشـت بالعـراق = صفر كما الياقوت يطرب لها المـوق
وعطت بريح فاخـر فاضـح فـاق = ريحه كما العنبر بالانفاس منشـوق
دقه بنجـر يسمعـه كـل مشتـاق = داع الهوى يطرب ليـا دق يخفـوق
لقـم بدلـه مولـع كنهـا السـاق = منصوبـة مربوبـة تقـل غرنـوق
خله تفوح وراعي الكيـف يشتـاق = ليا طفح له جوهر صـح لـه ذوق
قـصـة وأبـيـات ...
(1)
منول كانت القهوة لاتتواجد الا عند ناسً قليلين والسبب ان الأمور مهيب ميسرة والفقر يغلب
على الكثير ... في هاك الرجال اللي يتصف بخصال حميدة وله مكانه عاليه عند ربعه يقاله الشيخ
مهل بن عتيق بن غفيلان الرياحي البقمي وكان له مجلسً يجتمعون فيه أفراد قبيلته وضيوفهم
واذا منه شق النور قام الشيخ مهل وشب ناره عقب صلاة الفجر ويقرب نجره ودلاله وكان نجره
يسمى (منادي) لرنينه العالي اللي يسمعه حتى الجيران ... وكل ماسمعوا صوته اقبلوا لشرب
القهوة في مجلس الشيخ مهل .. وراحت الايام ومع تقلبات دواليب الدهر أجبرت الظروف المادية
الشيخ مهل على بيع نجره الشهير بين القبايل والملقب بـ (منادي) وكذلك الدلال وإشترى له نجراً
خشبياً ماله صوت ابد وإشترى برّداً أسود ثم رجع لربعه ويجي هاك اليوم ويقوم يصلي الفجر
ويوم صلى وخلص ويشب ضويه يبي يصلح له فنجال كعادته وقام يتلفت يمين ويسار ماأحدن
جاءه من ربعه وقال لولده حراز راح ناد الربع خلهم يجون يتقهوون ... والوكااد بعد ما أجتمعوا
في المجلس وشربوا القهوة سألهم الشيخ مهل عن سبب عدم مجيئهم كما جرت عليه عادتهم كل يوم
فقالوا: والله يابو حراز نحن لم نسمع صوت منادي مثل كل يوم فقلنا لابد أن الشيخ مشغول
فقال لهم لاوالله مايشغلني عن قهوتكم شيء ولكنني أجبرتني الظروف على بيع نجري منادي
والدلال وإشتريت هذا النجر الخشبي وهذا البرّد الأسود اللي تشوفونه قدامكم
لعل القريحه هاضت ببأبيات سمعها كل من حضر المجلس :
يالله ياللـي تجعـل النـور بـادي = يامطلـع فالبيـنـه والخفـيـات
تفرج همـومٍ تدلـج فـي فـوادي = والعيـن عيـت لاتخلينـي أبـات
أنا أحمد اللي عاضني في منـادي = بنجرٍ صموتٍ مايهيّض بالأصـوات
وشريـت بـرّادٍ كسـاه السـوادي = من عقب هذيـك الـدلال العذيـات
ياحراز ماحنـا الرخـوم الزهـادي = حنا هل الطالات في كـل الأوقـات
يازيـن فـوح دلالنـا بالقـنـادي = وليا هبطت أشري لها سبع حاجات
ويازين سوقـه للوجيـه البـوادي = بنٍ مصفى مايجـي فيـه خـلات
زال الولد في شبتـه لـه هـدادي = ورزقه على الله مايفيد التشمـات
ليا أدرج له الله رزق ماهوب غادي = وكثر الحسايف ماتجيبـه ليافـات
لابـد ماتبنـى عليـه اللّـحـادي = الي ا وفت جته المقاديـر عجـلات
يردم علـى قبـره نثيـلٍ جـدادي = أمـا فقـد ولا ذلوفـه ليـامـات
(2)
من القصص الشعبية التي تدور حول موضوع القهوة العربية هذه القصة التي جرت على
رجلاً يقاله ابن حمام من الجندة وهالرجال الله يسلمكم راعي قهوة وراعي كيف وقهوة
دايمه وعامره .. جاء يوم من الايام وسيّر عليه واحدن يقاله محيميد رفيدزن لابن حمام
ولاحصله في البيت قال اكيد اني ابلقاه عند جيرانه يتقهوى .. الوكاد ان محيميد راح وطق
على جار ابن حمام يقاله جبر .. فتح الباب جبر يا هلا يا مرحبا يالله حيه اقلط اقلط ما قدامك احد
دخل محيمد بالمجالس وقال وين ابن حمام ما شفناه اليوم قال جبر الحين يجيك
والله ويوم اخذوا لهم شوي ويطق الباب ابن حمام قام جبر فتح الباب وقلطه ..
لعلهم من اول بالمجالس لابد يتطرقون الى الشعر وكل واحدن يجدع له كم بيت وكم سالفه
المهم قال محيميد قصيدة .. ومناسبه القصيدة ان مرتن من المرات جالس هو وابن حمام
في مجلس ابن حمام ولا سير عليهم احد .. ولا جاءهم احد يشاركهم في القهوة والسوالف
وقال محيميد ابياتاً بسبب هذا الموقف :
يا ابن حمام مزعفرك ما نذوقـه = ولا اريد كيفك يا مروي شبا الزان
لابه خمال يـا الجنيـدي يعوقـه = تسعين نعم كان زين اللغا شـان
لاصار ما الديون مالي اشنوقـه = يعل يجلس به ثلاثيـن شيطـان
نفسي عشوقه كل قـرم يشوقـه = شامت لجبر والمـروب جليـدان
.
.
.
(3)
ومن ضمن القصص التي تتعلق بالقهوة وملازتها للاشعار والسوالف .. ان فيه هاك الواحد
يقاله مبارك ابو وحميد هالرجال الله يسلمكم راعي نخيل وراعي أبل واذا منه جاء وقت القيض
راح لنخله هو وربعه واقاربه وجماعته ووقت الربيع يظهر للبر بحلاله ولعلهم يجتمعون بالمجالس
على القهوة والسوالف ويتبادلون الاشعاروالقصص واي شي طيب تمسكون به والردي يتجنبونه
ووالله يجي هاك اليوم ويشّب ناره ابو وحميد ويضبط القهوة ويجلس يتحرى ربعه ..
والله طول الرجال بالجلوس ما حوله احد ولا سير عليه احد ... كل الناس مشغولين بحلالهم
ومشاغلهم في هالدنيا .. الوكاااااد قال مبارك ابو وحميد هالابيات يشير فيها الى ان ميزة
القهوة اجتماع الرجال عليها وعلشان يقص كلن منهم اخباره واليكم ابيات من القصيده :
يا دلتّي ياللي من البـن والهيـل = دايم على جمره صبـور لضيـه
وافرح إالى جوني فحول الرجاجيل = والدلـة الصفـرا قبلهـا مليـة
والزعفران اخضاب هيل بلا كيـل = لاجيت ابهر مـا بنفسـي رديـه
يا دلتّي وين الرجال والحلاحيـل = اللـي سوالفهـم قبلهـا عذيـة
ويا ما جلسنا بين حمر الغراميل = وقت الربيع اللي فياضـه رويـه
احمس وادق النجر بالصبح والليل = مع النشاما والسوالـف طريـة
http://sultan118.jeeran.com/ghoh%2022.jpg
ماذا قالوا عن القهوة ...
(1)
دغيم الظلماوي :
يا كليب شب النار يا كليب شبـة = عليك شبة والحطب لك يجابـي
وعلي أنا يا كليب هيلـة وحبـة = وعليك تقليـط الـدلال العذابـي
وادغث لها يا كليب من جزل حبة = وشبة ليامن غفـى كـل هابـي
بـاغ ليـا شبيتهـا ثـم قـبـة = تجذب لنا ربـع سـرات غيابـي
بنسرية يا كليب صلـف مهبـة = لانسنست لياكن به سـم دابـي
سـراة بليـل وناطحيـن مهبـة = متنكفيـن وسوقهـم بالعقابـي
خطو الولد لوله زبـون وجبـة = ياتي عليهم من حساب الزهابـي
لاباطن الهلبـاج خطـو الجلبـة = يا حلو خبط عصيهـم بالركابـي
اطمر لهم وابدي سلام ومحبـة = لاجو على هجن يديهن خرابـي
(2)
الشاعر محمد بن احمد بن محمد السديري :
يا بجاد شب النار وادن الدلالـي = وأحمس لنا يا بجاد ما يقعد الراس
ودقه بنجر يـا ظريـف العيالـي = يجذب لنا ربع على اكوار جـلاس
وزله الى منه رقـد كـل سالـي = وخله يفوح وقنن الهيـل بقيـاس
وصبه ومده يا كريـم السبالـي = يبعد همومي يوم اشمه بالانفاس
فنجال يغدي مـا تصـور ببالـي = روابع تضرب به أخماس وأسداس