حمد
24-08-2004, 05:31 PM
قصيدة تاريخية للشاعر راشد الخلاوي
أوصيك يابني وصاةٍ تضمهـا =ليا عاد مالي من مدى العمر زايد
وصية عودٍ ثالثت رجله العصا =وقصـر خطوٍ كان قبلٍ بعايد
وصية عودٍ زل حلو شبـابه =عانيـه بالدنيا وعانيك واحد
لا تاخذ الهزلى علـى شان مالها =ولا تـقتبس ما نارها بالوقايد
ولا تتقي في خصلةٍ ما بها ذرى =ولا تنزل الا عند راعي الوكايد
فلي من قديم العمر نفسٍ عزيزه =أعـض علىعصيانـها بالنواجد
ومن كثر الطلعات للصيد ربـما =يوافيه غرات ٍ يـجي منه صايد
ومن تابع المشراق والكن والذرى =يموت ما حاشت يديه الفوايد
الايام ما باق ٍ بها مثل ما مضـى =والاعمار ما قد فات منها بعايد
نعد الليالي والليـالي تعـدنـا =الاعمـار تفنـى والليالي بزايد
يزيد نـجيب الخال فيها جلاده =وتـزداد فيها اللايمات الجلايد
إذا ما قدمتم المطايـا تقيـدوا =لدى مـن تقـي راياتها بالحايد
فعجللي بـها لاعاقك الله بالمنى =فحمـل المنايـا للبـرايا قلايد
تفكر يا ميمون فـي ربع دمنه =خـلا ربعها من أهلها يابن قايد
قل : الله هل شفت السخي ابن زايد=منيع من حاش الثنا والفوايد
وقد كان فيما قد مضى من زمانه =جميل الثنا من حامداتٍ وحامد
إذا رام أن يمضي على العزم وانتوى =بما رام ألفاً وانتقى منه واحد
فيا طول ما يارد بها جاهليـة =ويفجي الشبا عن كوكبٍ ماه بارد
فيا ابن الندا يا جالي الهم أن طوا =على ماء من بعض الجلاعيد صايد
بزرقٍ لاهلها قد طهاها وسادها =مع الحكم نقضي من بنانٍ وساعد
قل: الله لي من دمعةٍ يابن زايد =لهـا حادرٍ قلبي هموماً وصاعد
لفانـي بـهاا لا ساعد الله ركبه =إذا ساعد الركبان مع من يساعد
سريع القرى للضيف في ليلة الشتا =وعيد المقاوي سيد الناس ماجد
قوي وساع السمط في كل عالة =تعادى بـها نسل القيان الولايد
ذوي من يلبي الضيف في مدلهمة =من الليل والما فـي مغانيه جامد
فمن عاش بالدنيا يرى يابن زايد =كريه الليالي والأمور الشدايـد
كفى الله ذاك الوجه ناراً من اللظى =بـحق المصلى نـحوه بالمساجد
فـيـا ما غزا من حرةٍ عامريـة =سمـاوية نـمرا الذراعين صايد
فيعنـّها للضـد ثـم يردهـا =بالارسان كره والنضا كالجرايد
قولوا لبيت الفقر لا يامن الغنى =وبيت الغنى لا يامن الفقر عايد
ولا يامـن المضهود قـومٍ تعزه =ولا يامن الجمع العزيز الضهايد
ووادٍ جرى لابد يجري من الحيا =إذا ما جرى عامه جرى عام عايد
متى الثريا مع سنا الصبح وايقـت=على كل خضـرا ودعـت بالسنايـد
من عقبها نجم كمـا فـرخ متلـي=على الشوف يتليها بمشيـه يعـاود
وبوارح الجوزا ربـا فيـه بسرهـا=واختلفت الالوان بين خضر الجرايد
والى ظهر المرزم شبع كـل كالـف=من الغيد وانحن الليالـي الشدايـد
ونجوم الكليبين التي تنشـف الجـم=يغور فيهـا مـا العـدود الوكايـد
والى غابت النسرين بالفجر علقـوا=مخـارف فـي لينـات الجـرايـد
والى مضى عقبه ثمان مـع اربـع=الخامسـه طالـع سهيـل يحـايـد
تشوفه كقلب الذيـب يلعـج بنـوره=مويق على غرات حـدب الجرايـد
والى مضى واحد وخمسيـن ليلـه=فلا تامن الما من حقـوق الرعايـد
قضى القيظ عن جرد السبايا ولا بقى=مـن القيـظ الا مرخيـات القلايـد
ومن لايسقي كنـة القيـظ زرعـه=فهو مفلس منها ليالـي الحصايـد
وصلوا على سيد البرايا محمد=كما ناح ورق فوق غصن الجرايد
أوصيك يابني وصاةٍ تضمهـا =ليا عاد مالي من مدى العمر زايد
وصية عودٍ ثالثت رجله العصا =وقصـر خطوٍ كان قبلٍ بعايد
وصية عودٍ زل حلو شبـابه =عانيـه بالدنيا وعانيك واحد
لا تاخذ الهزلى علـى شان مالها =ولا تـقتبس ما نارها بالوقايد
ولا تتقي في خصلةٍ ما بها ذرى =ولا تنزل الا عند راعي الوكايد
فلي من قديم العمر نفسٍ عزيزه =أعـض علىعصيانـها بالنواجد
ومن كثر الطلعات للصيد ربـما =يوافيه غرات ٍ يـجي منه صايد
ومن تابع المشراق والكن والذرى =يموت ما حاشت يديه الفوايد
الايام ما باق ٍ بها مثل ما مضـى =والاعمار ما قد فات منها بعايد
نعد الليالي والليـالي تعـدنـا =الاعمـار تفنـى والليالي بزايد
يزيد نـجيب الخال فيها جلاده =وتـزداد فيها اللايمات الجلايد
إذا ما قدمتم المطايـا تقيـدوا =لدى مـن تقـي راياتها بالحايد
فعجللي بـها لاعاقك الله بالمنى =فحمـل المنايـا للبـرايا قلايد
تفكر يا ميمون فـي ربع دمنه =خـلا ربعها من أهلها يابن قايد
قل : الله هل شفت السخي ابن زايد=منيع من حاش الثنا والفوايد
وقد كان فيما قد مضى من زمانه =جميل الثنا من حامداتٍ وحامد
إذا رام أن يمضي على العزم وانتوى =بما رام ألفاً وانتقى منه واحد
فيا طول ما يارد بها جاهليـة =ويفجي الشبا عن كوكبٍ ماه بارد
فيا ابن الندا يا جالي الهم أن طوا =على ماء من بعض الجلاعيد صايد
بزرقٍ لاهلها قد طهاها وسادها =مع الحكم نقضي من بنانٍ وساعد
قل: الله لي من دمعةٍ يابن زايد =لهـا حادرٍ قلبي هموماً وصاعد
لفانـي بـهاا لا ساعد الله ركبه =إذا ساعد الركبان مع من يساعد
سريع القرى للضيف في ليلة الشتا =وعيد المقاوي سيد الناس ماجد
قوي وساع السمط في كل عالة =تعادى بـها نسل القيان الولايد
ذوي من يلبي الضيف في مدلهمة =من الليل والما فـي مغانيه جامد
فمن عاش بالدنيا يرى يابن زايد =كريه الليالي والأمور الشدايـد
كفى الله ذاك الوجه ناراً من اللظى =بـحق المصلى نـحوه بالمساجد
فـيـا ما غزا من حرةٍ عامريـة =سمـاوية نـمرا الذراعين صايد
فيعنـّها للضـد ثـم يردهـا =بالارسان كره والنضا كالجرايد
قولوا لبيت الفقر لا يامن الغنى =وبيت الغنى لا يامن الفقر عايد
ولا يامـن المضهود قـومٍ تعزه =ولا يامن الجمع العزيز الضهايد
ووادٍ جرى لابد يجري من الحيا =إذا ما جرى عامه جرى عام عايد
متى الثريا مع سنا الصبح وايقـت=على كل خضـرا ودعـت بالسنايـد
من عقبها نجم كمـا فـرخ متلـي=على الشوف يتليها بمشيـه يعـاود
وبوارح الجوزا ربـا فيـه بسرهـا=واختلفت الالوان بين خضر الجرايد
والى ظهر المرزم شبع كـل كالـف=من الغيد وانحن الليالـي الشدايـد
ونجوم الكليبين التي تنشـف الجـم=يغور فيهـا مـا العـدود الوكايـد
والى غابت النسرين بالفجر علقـوا=مخـارف فـي لينـات الجـرايـد
والى مضى عقبه ثمان مـع اربـع=الخامسـه طالـع سهيـل يحـايـد
تشوفه كقلب الذيـب يلعـج بنـوره=مويق على غرات حـدب الجرايـد
والى مضى واحد وخمسيـن ليلـه=فلا تامن الما من حقـوق الرعايـد
قضى القيظ عن جرد السبايا ولا بقى=مـن القيـظ الا مرخيـات القلايـد
ومن لايسقي كنـة القيـظ زرعـه=فهو مفلس منها ليالـي الحصايـد
وصلوا على سيد البرايا محمد=كما ناح ورق فوق غصن الجرايد