تقرير زيارة ماليزيا الجزء الثاني

[حمد]

السلام عليكم


نكمل معكم الجزء الثاني من الرحله

انطلقنا بالسيارة من جزيرة بيننق الى مرتفعات كاميرون هاي لاند قاطعين جسر بيننق وهو مثل جسر السعوديه والبحرين وكان الطريق لمدة 3 ساعات تقريباً بس المناظر على الطريق تخليك تحس انها نصف ساعه كل شي اخضر وبدينا نرتفع في الطريق بين الجبال والطريق صار ملتوي وكل شوي نرتفع الين وصلنا لكاميرون هاي لاند والجو بارد والطبيعة خلابه وتستاهل هالمشوار ..

توجهنا لمقر الاقامة فندق اكتوريال الواقع على قمة جبل وحطونا في الدور قبل الاخير ولما وقفت في شرفة الغرفة شفت منظر خلاب مزارع وخضرة واعتقد الصور ما تقدر توصف روعة المكان

http://sadaaa.jeeran.com/Ma%20(11).psd.jpg


الاقامة في كاميرون راح تكون ليلتين .. بعد الوصول ريحنا شوي وبعدها طلعنا نتمشى وتوجهنا للشلالات وبعض الحدائق

http://sadaaa.jeeran.com/M%20(67).psd.jpg


وفي الليل كل شي ينتهي لانها بلده صغيره ..

من بكره الصبح توجهنا الى مزارع الفراوله وشفنا كيف يزرعونها وبعدها رحنا لمزارع الصبار وشفنا انواع كثيره واشكال غريبه وبعدها رحنا لمزرعه لتربية النحل وشرينا منهم عسل وبعدها رحنا لمزرعة للزهور

http://alauda.jeeran.com/Ma%20(19).psd.jpg


بعدها توجهنا لمزارع الشاي وصراحه المناظر فيها ترد الروح ونزلت زخات من المطر وطبعاً الشمسيه معنا

http://sadaaa.jeeran.com/M%20(90).psd.jpg


فوق حاطين استراحه تطل على المزارع والمنظر اكثر من رائع ويقدمون شاهي من نفس المزرعه وفيه محل يبيعون فيه منتوجاتهم من الشاي واباريق وشغلات حلوه وشرينا بعض انواع الشاهي

http://fam.jeeran.com/Cameron%20166.psd.jpg


بعدها رجعنا للفندق وتقهوينا الشاهي في شرفة الغرفه وقبل المغرب داهمنا الغيم

http://alauda.jeeran.com/Ma%20(24).psd.jpg


جهزنا الشنط للسفر من بكره الى كولا لمبور المحطة الاخيرة

من الصبح انطلقنا بالسياره الى كوالالمبور والطريق كله مناظر جميلة ..

وصلنا الى كوالا لمبور وتوجهنا الى مقر الاقامة فندق داينستي ولمدة 6 ليالي وهذي اطلاله ليلية للفندق

http://sadaaa.jeeran.com/M%20(92).psd.jpg


توجهنا في اليوم الاول لحديقة الطيور وهي من اكبر الحدائق في ماليزيا ومغطاه وفيها اشكال وانواع الطيور

http://alauda.jeeran.com/Ma%20(42).psd.jpg


بعدها رحنا لحديقه كبيرة نسيت اسمها فيها بحيره وجلسنا نتمتع بالمناظر الحلوه .. بعدها رجعنا للفندق وريحنا وفي الليل رحنا لشارع بوكيت بنتانج (شارع العرب) وهو شارع مليان عرب ويتميز بالمطاعم العربية والمقاهي والاسواق .. تمشينا وتسوقنا وتعشينا في مطعم عربي ورجعنا ..


اليوم الثاني توجهنا لعمارتين التوأم توين تور وطلعنا فوق وجلسنا نتفرج على كوالا لمبور من الاعلى وبعدها رحنا لايقوريا وهو مكان فيه احواض كبيرة للاسماك والقرش والحيوانات البحريه

http://fam1.jeeran.com/kuala%20064.psd.jpg


بعدها رحنا لمنارة الاتصالات وتتميز بالارتفاع العالي وطلعنا فوق وتفرجنا على كولالمبور من فوق وبعدها رحنا لاحد المراكز التجاريه الضخمه ورجعنا للفندق ..


في اليوم الثالث توجهنا لجنتنق وهي منتجع يبعد عن كوالالمبور حوالي الساعه في مكان مرتفع يتكون من مدينة العاب ترفيهيه كبيره وفنادق واسواق .. وقبل ما نوصل ركبنا في التلفريك اللي يوصلنا للاعلى والمنظر جميل والجو بارد ..

http://fam.jeeran.com/kuala%20029.psd.jpg


بعدها رجعنا لكوالا لمبور مروراً بالشلالات

http://fam.jeeran.com/kuala%20045.psd.jpg


وبعدها رحنا لمعبد هندي غريب شوي .. عنده تمثال كبير باللون الذهبي والمعبد صاير فوق في وسط الجبل ولازم ترقى الدرج وهو اكثر من 200 درجه الين توصل المعبد اللي صاير على شكل كهف كبير في وسط الجبل ..

http://sadaaa.jeeran.com/M%20(107).psd.jpg


ولما دخلنا المعبد ابهرني المكان وتكوينه حلو كأن الجبل مشقوق وصراحه حسافه عليهم .. جوا تماثيل واصنام اشكال وانواع والغريب انهم يحطون اكل عند الصنم مدري يبونه ياكل هع هع هع والا يبون الاكل يتبارك !! اشوف رز وفواكه يالله لك الحمد بس على نعمة الاسلام ..

http://sadaaa.jeeran.com/M%20(110).psd.jpg


في اليوم الرابع توجهنا الى منتجع افموزا واللي يبعد عن كوالا لمبور حوالي الساعه وقصينا التذاكر ودخلنا وركبونا في سياره وخذوا بنا لفه عبارة عن سفاري نشمي بين الحيوانات المفترسه والاليفه كأننا في افريقيا ..

http://fam.jeeran.com/avmosa%20015.psd.jpg


وبعدها تغدينا والغداء ضمن التذكره ومن حسن حظنا صاروا طابخين اكل عربي .. رز ودجاج ولحم وبعد الغداء بدت العروض بعرض الكابوي وهو عبارة عن بيوت على شكل بيوت الكابوي وهنود حمر وطلق نار وفكاهة وصراحه العرض كان حلو ..

http://fam.jeeran.com/avmosa%20029.psd.jpg

http://fam.jeeran.com/avmosa%20043.psd.jpg


بعد ما انتهى عرض الكابوي رحنا لعرض الحيوانات من قرود ودببه وبقر ومعزى وبعدها جاء عرض الطيور من ببغاء ونسور وحمام وانواع كثيره من الطيور

http://fam.jeeran.com/avmosa%20065.psd.jpg


بعدها انتقلنا لعرض الفيله وصراحه كان قمة المتعه .. فيله ترقص وتلعب كورة وتحيي الناس وتسوي مساج

http://fam.jeeran.com/avmosa%20090.psd.jpg


بعد ما انتهى العرض قعدنا نصور مع الفيله وبعدين توجهنا للمسبح ومسوينه على شكل شاطئ ويشغلون امواج صناعيه وقعدت اطافش شوي وبعدها رجعنا لكوالالمبور
في اليوم الخامس رحنا للمتحف الوطني وتفرجنا على بعض الاثار ومجسمات لعادات وتقاليد الماليزيين وبعض الادوات القديمة ... والطيور والحيوانات والحشرات اللي عايشه في ماليزيا على شكل مجسمات وبعضها محنط ..

http://alauda.jeeran.com/tw%20059.psd.jpg


بعدها رحنا لمنطقه اسمها تشاينا تاون كلها بسطات صينيين وصراحه كنهم حضارمه يعني هم اللي ماسكين التجارة في ماليزيا ويبيعون الاشياء المقلده والاشياء الرخيصه من ملابس وشنط وتحف ولازم تكاسرهم لاني شريت لي بدله شتويه وقالي بـ 99 وقلت له نو نو laa: هع هع هع قلت له بـ 20 وقفلت معه :mean: قلت خلاص ثنكيو ومشيت ولحقني ويقول بـ 70 وانا اقول نو نو ثمن 50 ونونو ثمن 40 و30 وقلت له 20 وعيا يقول اخر شي بثلاثين وشريتها لاني داري اني بلقاها في السعوديه بـ 50 ريال وعلى فكره الرنقت قيمته مثل الريال

بعدها رحت اصور العمارتين التوأم ( توين تور ) تصوير ليلي ومن عدة جهات

http://alauda.jeeran.com/Ma%20(101).psd.jpg


رجعنا الفندق وجهزنا الشنط للسفر ومن بكره رحنا للمطار ورجعنا لارض الوطن سالمين ولله الحمد


ان شاء الله يكون التقرير ممتع


مع السلامة



لا تعرضون تواقيعكم عند الرد عشان ما تثقل الصفحه


انتهى تقرير اخي العزيز فهد المنيع

:)

[ابوعبدالله]

الله يعافيك يا ابولارا

تقرير جمييييييييييل جدا

ومجمله زود انك انت اللي منزله

يعطيك الف عافيه

[حمد]

حياك الله يابو عبدالله



اســعدني مرورك الكريم

[اشراقة الصباح]

في اليوم الثالث توجهنا لجنتنق وهي منتجع يبعد عن كوالالمبور حوالي الساعه في مكان مرتفع يتكون من مدينة العاب ترفيهيه كبيره وفنادق واسواق .. وقبل ما نوصل ركبنا في التلفريك اللي يوصلنا للاعلى والمنظر جميل والجو بارد ..


http://fam.jeeran.com/kuala%20029.psd.jpg

المكان هذا باالذات مستحيل انساه من جد روووووووووووووووووووووووووووعه


مشكوووووووووووووووور اخي الكريم حمد على هذا التقرير الوافي الجميل

حفظك الله