والله عيب

[الأمير]

:salam:

مدري وشلون ابدأ قسم بالله ياعياااال المنيع ياجماعتنا يابني عمنا يااعضاء هذا المنتدى

صراحه ماكتبت هذا المووضوع إلا والله حرة في قلبي..

وماحطيته هيناااااا..إلا علشان نهج عن الرسميات واكون معكم صريح لأني اكلم عيال عمي..

صرااحه وشلون تطاعوكم انفسكم تشوفون اعضاء من برا والله من براا العاائله يشااركون وشادين حيلهم الله يجزاهم الخير..وانتم يااصحاب هذا المنتدى ياابناء هذه العاائله تدخلون وتشطفون المواضيع حتا المشاركه ماشاركتوا الحمدلله..الحين اللي موب من العائله احرص مننا على موقعنا يااناس افهموا..وبعدين تراي الحين اكلم اللي يدخلون المنتدى اللي مسجلين بالعربي.. اللي ماسجلوا لهم كلام ثاني..

شوفوا احد ردود اعضاء هذا المنتدى بس لأسف الشديد واللي ابكاني انها موب من العائله
انا اعترف انني مقصره في حق هذه الاسره الرائعه ..((ويعلم الله انني لااجامل))
شوفو وش تقوول تقول انها مقصرهـ وهي من برا العائله افهموا يارجال افهموا..

اجل انت ياللي من المنيع وش تقول؟؟؟

وشوفوا وش تقول
ولكن اعدكم انني سوف ابذل قصارى جهدي للتواصل مع هذا المنتدى الرائع وعدم الانقطاع بإذن الله..
الله اكبر..وش تبون نقولها والله العظيم ان اللسان يعجز عن شكر مثل هذه العضوهـ الكريمه..وتعد انها ماتنقطع وانت ياللي من المنيع ياللي تعد صااحب هذا المنتدى مافي امل تقول مثل هذا الكلام..

واخر شي ابي اقوله
اننا نبذل قصارى جهدنا لتعويض هذا المنتدى بمافات..
وانا لااشك ولا اعارض ان المنتدى العائلي بشكل عام تصيبه فترة خمول..
بس اكلم اللي يدخل يمكن الان صار اللي يدخل من المنيع اكثر من خمسه صح انهم شويين..
بس توقعون خمسه لو شدوا حيلهم ومافيه اي موضوع إلارادين عليه وردود تعجبك تخلي الواحد يحط عقبها عشر مواضيع وتعقيبات من طولها تحسب الرد موضوع..
وداومنا على الموقع صارت اسامينا يحفظونها الزوار ومشاركه ورى مشاركه..

تتوقعون وش بيصير في الموقع؟؟

والله ان يصير افضل موقع عاائلي ولكم اللي تبوون..

على العموم ان شاءالله وصلتكم الرسااله..
وتخجلون شوي من اللي يصير..

[بدر]

نعم صدقت .. يالامير

بس كنك تبي عضوات المنيع يشاركون :062:

عموماً جزاك الله خير .. واتمنى ان الجميع يشارك ..

[الأمير]

انا ماقلت ابي عضوات المنيع على قولتك..

انا اقصد شف هي موب من العاائله ولاهي تقربلنا وانثى بعد وتشاارك..

وحنا يالرجال ياللي من العاائله ساحبين على المنتدى..هذا اللي اقصده..

وماابي جزاك الله خير

ابي مشااركات وجهد وشدة حييل

[عبدالله]

اسمعني يالغالي ,,

ماابي اكثر كلام ...

بس اللي ماسجل بإرادته ـ مانبيه يسجل ـ

يعني ‘إذا كان مسجل مجاملة او شي من هالقبيل ماراح يفيد المنتدى .. صح ؟ ,

الصراحه شي يضيق الخاطر ,,

اعضاء من خارج الأسرة

لاكن اسمهم منقوش في المنتدى ولايمكن تمحيه الأيام

وساهموا في بداية المنتدى مساهمة قوية قوية

ورحيلهم اثر في المنتدى ,, بشكل كبيــر ..

وإن شاءالله مانفقد احد ثاني ..


ـ ـ ـ ـ ـ ـ
لاكن الواحد يسوي اللي عليه ــ والباقي على الله ..
ـ ـ ـ ـ ـ ـ

مشكور يالأمير على الإهتمام وحرصك على الرقي بالمنتدى

انت تريد وانا اريد والله يفعل مايريد

[الأمير]

يامرحبا بك عبدالله..

الصراحه شي يضيق الخاطر ,,

اعضاء من خارج الأسرة

لاكن اسمهم منقوش في المنتدى ولايمكن تمحيه الأيام
هذا الكلام ودي اقووله..

طيب ليش مايكون اعضاء من العاائله ويكون اسمهم منقووش..

هذا اللي انا اقصدهـ..وابغى السبب

الحمدلله عندنا اعضااء من العااءله..بس موب ذيك الهمه العاايله..انا مان\انكر انه مايشارك إلا والله يع
يه اف الف الف عاافيه على الاقل احسن من غيره لاسجل ولافكر..بس انا اقول يبذل جهدـ شوي بس علشان يكون هنااك اثر لأبناء العائله في المنتدى وبس..

على العمووم اشكر تعقيبك ومرورك

[فهـد الغـدير]

وماابي جزاك الله خير

انا عارف انك معصب وكتبت هالجملة

لكن الله يجــزاك خــير غصبن عليك .. على حرصك

لكــن ياالأمــير ترا الأمــور ماتجي على الكـــيف ..

على ماقال عبدالله أنـا أريــد وأنـت تـريــد والله يفــعل مايـريــد

يعني تتوقع اننا مانبي احد يجي يشارك من قريب .. بس ماودك تغصب أحــد

يعنــي مـاأتـوقع في سبب معـــين ..

وأتمــنى إن كل واحــد منّا يحــاول يرغّـب اللي يعرفهم من العائلة

انهم يزورون الموقع ويشاركون

[عبدالله]

:) ياخي المنتدى متطور ـ احدث المواضيع فيه ـ الحمدلله مافيه اي مشاكل ـ كل الخدمات متوفرينها فيه

نسوي كل اللي نقدر عليه ـ بس ليش مايشاركون معنا ويتفاعلون مدري ؟

كم اسم لمع لوقت بسيط ـ بعدها ـ غااب هالأسمـ ـ ـــ بدون مايقول لنا ليش. ؟

لو انه قبل مايترك المنتدى يقول ـ شفت كذا وكذا ـ وهذا اللي خلاني اطلع

كان افضل من انه يتركنا كذا وبس ـ

على العموم ـ إن شاءالله من افضل إلى افضل ـ واللي موجودين فيهم الخير والبركة

[الأمير]

الحمدلله الان المنتدى في تطور موب زي اول..

والاعضاء بدوا يشاركون..

وبإذن الله تعبنا موب رايح..

بس انا الاهم عندي اعضاء العائله ابغاهم هم يشاركون..

واللي موجود ياليت يبقى.. واللي راح ياليت يرجع