اللغز الثالث البديل

[الهمام]

اعزائي مساكم الله بالخير ...

هذا هو اللغز الثالث الذي وضعته بديل عن اللغز الذي قدمت إعتذاري لكم عن وضعه بسبب الإشكال الواضح فيه فأرجو المعذرة..ولكم تحياتي .....






انشدكم عن بنتٍ لها الطيب منوال +++ تزوجت رجلٍ وجته المنيـه

تملك عليها عند شيبان و عيال +++ زواج متعه صحيح ولا فيه خطيه

مات بسببها والهوى قيل قتال +++هو تقدم بالاسباب قبل المنيــــة

وسلامتكم

[بدر]

الغازك صعبه .. لي رجعه همام .. !

[حمد]

اخوي الهمام ..

شريحة الجول ؟؟

[الهمام]

مشرفنا / اخي بدر مساء الخير==== انتظر عودتك ولك الشكر


فخر الأسرة وحبيبها ( استاذي حمد ) تحية عطره لك ... ولكن ليس الشريحه ...وتفكيرك لايروح بعيد ..لأن الجواب .انت بنفسك تحبه وتموت فيه...

[بدر]

للحين محد حلـــــه !

[حمد]

ما ادري اخوي الهمام

لكن يمكن يكون الطيب ( الدخون )



اعتقد ما يبي له تفسير ليه اخترت الدخون !!

اتمنى اكون صح

[الهمام]

ياشيخ حمد الطيب فالك إن شاء الله ..ولكن ليس الدخون ... وانا وضحت لك ..اقول إنه منك وفيك..وتحياتي لك..

[الرايق]

السلام عليكم

وش الاخبار جميعا

الهمام ياخي روقنا ياخي عطنا الحل وبعدين قلي وشلون مني وفيني

[الهمام]

هلا بالحبيب ( الرايق ) الحل ماهو صعب ابدا .. ويوم انا قلت منك وفيك هذا الكلام موجه للأخ حمد والمعنى في

بطن الشاعر ..بس صدقني إن الحل شيء انت تموت فيه ..شكرا على مرورك....

[بدر]

بس صدقني إن الحل شيء انت تموت فيه

جلكسي ؟؟ <<< انت تقول شي حلو وتموت فيه بس جبتها لا تردني يالهمام

الرايق قبلك !

[برطم زرافة]

اجابتها : هي العود

لان العود اذا حطيته في الجمر يجيب الطيب ويتمتع فيه الجمر وبعدين تجيه المنيه يعني خلاص يحترق

صح ولالا

[الهمام]

مع كامل الشكر والتقدير للأعضاء الذين شاركوا في هذا الموضوع ..ولم يتوصلوا للحل ..

الحل هو (( مـــلكة النحل )) ويعطيكم العافيه وسلامتكم.

[بدر]

الهمام .. يسعد الله مساك

انت ماقلت ان الحل منك وفيك ولاهونت !؟ وش دخل ملكة النحل فيني !

[الهمام]

ياهلا ومرحبا بالعزيز الغالي ..بدر .. استاذي انا كنت موجه الكلام للأخ حمد بأن الحل منه وفيه ..واللبيب بالأشارة يفهم ..ولم اقصد ..الكلام لشخصك الكريم ..والف شكر لك وتقبل تحياتي ..

[بدر]

يعني هذي شفره بينك وبين حمد

ياخي من اول يااااااااااخي

[حمد]

لك كل الشكر والتقدير اخي الهمام

تمنيت ان اجاوب على لغزك .... ولكن للأسف لم استطع ارجوا ان تعذرني ...

[الهمام]

يكفيني مشاركتك في الموضوع يافخر الأسرة وحبيبها ..وارجو ان تكون فهمت ماقصدته من قولي هو منك وفيك واجزم انه لايخفى عليك ذلك فأنت كذلك ..شكرا لك وترجع بالسلامه ..