يا غافل ٍ باقي من الوقت أيّام

[وسم]

مشاركة سبق أن شاركت بها في أحد المنتديات لعلها تجد قبولاً لديكم


يا غافل ٍ باقي من الوقت أيّام=ويروح شــــهر الخير لا واســفا به

شهر ارمضان اللي به الناس صيّام=تسجد لمــولاهــا وتـقــرا كـتـابـه

إن كان أدركته وصمته بـ هالعام=العـام الآخــر مـا ضـمنت اتحيا به

تقضِي ليال الصوم سهرات وافلام=وتنام لين الشــمس تعـلـن غـيابـه

إن كان نمت فعالم الغيب ما نام=يعـلـم علانيتك وســرّك درى بـه

ترى نجاتك في تعاليم الاســلام=وسعادتك هدي النبي والصحابه

لا مـن عـمـلت الخـيـر تلقـاه قــدّام=تلقاه في يوم ٍعسير ِ احسابه

يوم ٍ صعيب ٍ فيه زوغات الافهام=مـا ينفـعـك فـيــه الأهــل والـقـرابــه

دنياك لو دامت ترى العمر ما دام=ودرب الأجل قبلك كثير ٍ مشى به

[النرجس]

صح لسانك اخوي

إن كان أدركته وصمته بـهالعـام العام الآخر ما ضمنت اتحيـا بـه
تقضِي ليال الصوم سهرات وافلام وتنام لين الشمـس تعلـن غيابـه

صدقت اخوي وسم والله الواحد مايضمن عمره ولايضمن يلحق رمضان القادم

الله يهدينا وجميع المسلمين لما يحب ويرضى ويعينا على اتيان العبادات على اكمل وجه
بارك الله فيه اخوي وسم وجزاك الله خير الجزاء

[ندى الرياحين]

الله يعطيك العافيه اخوي وسم ابيات رائعه ومفيده

الله يهدينا لاغتنام ايامه الباقيه

نصائح هادفه نفعنا الله واياك

[حمد]

صح لسانك يا وسم

ابيات في وقتها

ويجب على العاقل ان يستغل هذه الليالي

اسأل الله ان يوفقنا واياكم لكل خير، وان يجعلنا من المقبولين