لـــــــــــــحــــــظـه ...!!

[نهلاء]

لحظة ,,,


لحظه .. بوادعك قبل إنـك توادعنـي
ماني من اللي تروح ويمشـي خلافك

لـي عـزة ٍ ياوليـد النـاس تمنعنـي
لوقلت .. مابيك تمزح .. خاطري عافك

قد قلتها لك قبـل ماكنـت تسمعنـي
واليوم فعلك هو اللي حطم أهدافـك

يابن الأوادم نصيحه واخذهـا طعنـي
ماكل شخص ٍ يذل النفس لا شافـك

صحيح زينك بعض أحيان شجعنـي
لكن زود الكـرم زودت بـسرافـك

ماهوب أنـا اللـي تنزلنـي وترفعنـي
لو دريت في نيتك كسـرت مجدافـك

تبي الصراحـه .. تصـدد لا تطالعنـي
أخاف من دمعتك ولا أنـت ماخافـك

ماغير واحـد .. ولا مخلـوق ولعنـي
الحـب يجـرف ولا تختـار جرافـك

لو قلت لحدٍ تحب.. وقال لـك يعنـي
خله وبعد مـادام الوقـت ماطافـك

أصـارع النفـس والدنيـا تصارعنـي
والفرق واضـح بمغرافـي ومغرافـك

ياخي ترى القلـب عيـا لا يطاوعنـي
يابن الأوادم توكـل خاطـري عافـك




للشاعر / عبدالكريم الجباري

[خالد]

يابن الأوادم نصيحه واخذهـا طعنـي
ماكل شخص ٍ يذل النفس لا شافـك


صح لسان الشاعر عبدالكريم وسلمت يداكِ أختي نهلاء

قصيده رائعه تشكرين عليها

:)

[نهلاء]

* خالد *
صح بدنك والله يسلمك

واشكرك على المرور العطر الذي عطر متصفحي

[وسم]

أشكرك أختي نهلاء على طرح هذه الأبيات التي تعبر عن ذائقتك الرائعة

صح لسان الشاعر

وسلمت يداك على النقل

[نهلاء]

* وسم *
صح بدنك والله يسلمك

واشكرك على المرور العطر الذي عطر متصفحي

[النرجس]

قصيده رائعه تشكرين عليها
صح لسان الشاعر

وسلمت يداك على النقل

[نهلاء]

* النرجس *
صح بدنك والله يسلمك

واشكرك على المرور العطر الذي عطر متصفحي