من اجمل قصائد الســديري !

[بدر]

يقول من عدى على راسي عالي ♥ ♥ ♥ ♥ ♥ رجم طويل يجهله كل جرنـــاس

في راس مرجومِ عســير المنالي ♥ ♥ ♥ ♥ ♥ تلعب به الأيام مع كل نسناس

في مهمه قفر من الناس خالي ♥ ♥ ♥ ♥ ♥ يشتاق له من حس بالقلب هوجاس

قعدت في راسه وحيدٍ لحـــالي ♥ ♥ ♥ ♥ ♥ كني براس الرجم مرقوب ٍ وحـراس

مذكر في مرقدي وش جـــرالي ♥ ♥ ♥ ♥ ♥ وصفقت بالكفين ياسن على يــاس

اخذت اعد ايامها والليالي ♥ ♥ ♥ ♥ ♥ دنيا تقلب ما عرفنا لها قيـاس

كم فرقت ما بين غالي وغـالي ♥ ♥ ♥ ♥ ♥ لو شفت منها ربح ترجع للأفـلاس

تقطعك دنيا مالها أول وتالي ♥ ♥ ♥ ♥ ♥ لوضحكت للغبن تقرع بالأجــراس

المستريح اللي من العقل خالي ♥ ♥ ♥ ♥ ♥ ما هو بلجات الهواجيس غطــاس

ما هو بمثلي مشـــكلاته جلالي ♥ ♥ ♥ ♥ ♥ ازريت اسجلهن بحــبر وقرطــاس

حملي ثــقيل وشـايله بحتمالي ♥ ♥ ♥ ♥ ♥ واصبر على مر الليالي ولاتـعاس

وارسي كما تري رواسي الجبالي ♥ ♥ ♥ ♥ ♥ولا يشتكي ضلعِ عليه القدم داس

لا خاب ظني بالرفـيق المــوالي ♥ ♥ ♥ ♥ ♥ مالي مشاريهن على نايد الناس

لـعل قصرٍ ما يجيله ظــلالي ♥ ♥ ♥ ♥ ♥ ينهد من عالي مبانيه مبانيه للساس

والبوم في تالي هذامه يلالي ♥ ♥ ♥ ♥ ♥ جزاك يا قصرِ خــلا وكــر الادناس

لي صار ما هو مذهلِ للرجالي ♥ ♥ ♥ ♥ ♥ومنجى لمنهو يشكي الضيم والباس

متى تربع دارنا والمفـالي ♥ ♥ ♥ ♥ ♥ وتخضر فيـاضِ عقـب ماهـي بيبـاس

محمد الاحمد السديري

[حمد]

قصيدة رائعه للأمير الشاعر ......

اوجدنا في الموقع رائعه اخرى للأمير وهي الملحمة الزايديه



الملحمة الزايديه (http://www.almanea.net/autohtml.php?op=modload&name=arb_1.htm&file=index)

[مــحــمد]

قصيدة رائعة بدر ... يعطيك العافية

[بدر]

حمد على مااعتقد هالقصيده من افضـل قائد الشـاعر .. ومشكور للرد

هلا بك دوسري والف شكر للمرور

[الغزال الشمالي]

بغيت أسال عن هذا الشاعر..منو هو؟؟

[بدر]

هلا غزال .. هو : الأمير محمد الأحمد السديري ..

غريبه هذا اشهر من نار على علم .. :)

[الغزال الشمالي]

لا والله اول مرة أسمع باسمه

[ماجد]

هلا بدر

ومشكور على هذه القصيده للشاعر الكبير : محمد السديري

وياليت تنزل قصيدته اللي يقول فيها :


لولا الحياء والخوف .........

[ام سعود]

السلام عليكم

روعه هالابيات

لا خاب ظني بالرفـيق المــواليز. مالي مشاريهن على باقي الناس

[عبدالله]

مشكوووووووور يا مشرفنا الغالي