همي كبير ومالقيت اللي يواسيني

[شيهااانه]

هـمي كبيـر ومالـقـيت اللي يواسينـي ..
محـد (ن) وفالـي بـ هالعمر قد دمعـاتي ..
~ْْْْ~ْ
دمعـاتي اللي لابكـيت بصمت تبكـينـي ..
تـرسم على وجنـاتي الغبـرا معـانـاتي ..
~ْْْْ~ْ
صحيـح تفـضحنـي ولكـن ماتخـلينـي ..
إحسـاسها الصـادق يخفـف ضـيم آهاتي ..
~ْْْْْ~ْ
آهاتـي اللي من قـديـم العمـر هي فيني ..
إحسـاسهـا شعـري وأنفـاسهـا ذاتـي ..
~ْْْْْ~ْ
أنـا جـروحي بـ هـالدنيـا تسـلينـي ..
فيهـا يتـلاقى بقايـا الشـوق وشتاتـي ..
~ْْْْْ~ْ
فيهـا يتنفـس دمـي اللي في شرايينـي ..
فيها صدى الجرح يحكي بلسـان عبراتي ..
~ْْْْ~ْ
أنـا همومـي لـو نستني توقف سنينـي ..
توقف على حدود المشاعر بصمت وتحاتي ..
~ْْْْْ~ْ
تجـرحني بنظـرة عتب وماتحـاكينـي ..
أتنـهد ومـن دون مـدري تهـل دمعاتي ..
~ْْْْ~ْ
همـي كبيـر ومالـقيت اللي يحس فيني ..
إلا دمـوعي والـورق واحساس كلماتي ..

[مــحــمد]

صح لسانك اختى شيهااانة


وأن أسال الله ان يفرج همك وهموم المسلمين اجمعين

[مجهول الهوية]

صح لسانك واسأل الله ان يفرج همك وهم المسلمين اجمعين_عليك بالاستغفار وكثر الذكر ليطمأن قلبك.

[وسم]

أختي شيهانة
أبيات رائعة

أنـا جـروحي بـ هـالدنيـا تسـلينـي ..
فيهـا يتـلاقى بقايـا الشـوق وشتاتـي ..
(وصف رائع للمعاناة)

همـي كبيـر ومالـقيت اللي يحس فيني ..
إلا دمـوعي والـورق واحساس كلماتي ..
(حرقة الإحساس بالوحدة)

شاعرة وأتمنى لك التوفيق

شكراً على هذا الإبداع

[ولد الخطامه]

صح لسانك اختي شيهانه

الف شكر لك

[نهلاء]

أنـا جـروحي بـ هـالدنيـا تسـلينـي ..
فيهـا يتـلاقى بقايـا الشـوق وشتاتـي ..

صح لسانك يالغاليه
وابيات جداً رائعه راقت لي كثراً

[خالد]

صح لسانك أختي شيهانه

قصيده رائعه برغم الألم اللذي تحتويه

لكِ كل الشكر

:)

[شيهااانه]

انار الله قلوبنا جميعا وازال همومنا وجعل قلوبنا عامره بذكره اشكر لكم كريم مروركم